پرەزيدەنت شاحماتتان ايەلدەر قۇراماسىن قۇتتىقتادى
استانا. KAZINFORM - پرەزيدەنت قاسىم- جومارت توقايەۆ شاحماتتان ايەلدەر قۇراماسىن قۇتتىقتادى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
- 2024 -جىلعى دۇنيەجۇزىلىك شاحمات وليمپياداسىندا كۇمىس مەدال جەڭىپ العان قازاقستاننىڭ ايەلدەر قۇراماسىن قۇتتىقتايمىن. بۇل - قازاق شاحمات مەكتەبى مەن شاحماتشى قىزدارىمىزدىڭ تاماشا جەتىستىگى. سپورتشىلارىمىز بيىك بەلەستەردى باعىندىرا بەرسىن! - دەپ جازدى مەملەكەت باسشىسى ءوزىنىڭ Х الەۋمەتتىك پاراقشاسىندا.
ماجارستان استاناسى بۋداپەشت قالاسىندا ءوتىپ جاتقان شاحماتتان 45- وليمپيادا ويىندارىندا قازاقستان قۇراماسى شەشۋشى سىندا ا ق ش- قا قارسى وينايتىنىن جازدىق.
ەستەرىڭىزگە سالا كەتەيىك، وسىعان دەيىن قازاقستان قۇراماسى توعىزىنشى تۋردا پولشادان باسىم ءتۇسىپ، 16 ۇپايمەن ءبىرىنشى ورىنعا شىققانىن جازعان بولاتىنبىز.
اۆتور
باقىتگۇل اباي قىزى
