پرەزيدەنت بەلگىلى جازۋشى تولەن ابدىككە جەدەلحات جولدادى

استانا. KAZINFORM - مەملەكەت باسشىسى قاسىم-جومارت توقايەۆ قازاقستاننىڭ حالىق جازۋشىسى، دراماتۋرگ، قوعام قايراتكەرى تولەن ابدىككە «ەگەمەن قازاقستان» گازەتىندە جاريالانعان سۇحباتىنا وراي جەدەلحات جولدادى.

Акорда Ақорда зима қыс
Фото: Агибай Аяпбергенов/ Kazinform

بۇل تۋرالى اقوردانىڭ باسپا ءسوز قىزمەتى حابارلادى.

- «ەگەمەن قازاقستان» گازەتىنە بەرگەن سۇحباتىڭىزدى مۇقيات وقىپ شىقتىم. وزەكتى وي-تولعامدارىڭىز ارقىلى ۇلت رۋحانياتى ءۇشىن قۇندى دۇنيەلەر ايتىلعان. ءتول ادەبيەتىمىزدىڭ دامۋ كوكجيەگىنە قاتىستى سىن-پىكىرلەرىڭىز بەن جاس بۋىنعا قاراتا ايتقان اقىل-كەڭەستەرىڭىز ورىندى دەپ سانايمىن. شىن مانىندە، جاھاندى جايلاعان قازىرگىدەي قۇبىلمالى زاماندا جازۋشىلار قاۋىمى كوركەم تۋىندىلارى ارقىلى ادىلدىك، جاقسىلىق جانە ادامدىق قۇندىلىقتارىن كەڭىنەن دارىپتەگەنى ءجون. بۇل ەلىمىزدىڭ كەلەشەگى ءۇشىن وتە ماڭىزدى. قالامىڭىز قارىمدى بولسىن! سىزگە مىقتى دەنساۋلىق، باق-بەرەكە جانە تولايىم تابىس تىلەيمىن! - دەلىنگەن جەدەلحاتتا.

وسىعان دەيىن قاسىم-جومارت توقايەۆ ۆلاديمير پۋتيندى قازاقستان-رەسەي شەكاراسى تۋرالى شارتقا 20 جىل تولۋىمەن قۇتتىقتادى.

اۆتور

ايدار وسپاناليەۆ

سوڭعى جاڭالىقتار