پرەزيدەنت «ەڭبەك اللەياسىندا» ەڭبەك ادامدارىمەن جۇزدەستى

Қизилўрда вилояти
Фото: Фото: Ақорда

پرەزيدەنت قىزىلوردا وبلىسىنا ساپارى بارىسىندا بىلتىر بوي كوتەرگەن «ەڭبەك اللەياسىندا» ەڭبەك ادامدارىمەن جۇزدەستى، دەپ حابارلايدى Kazinform اگەنتتىگى اقوردانىڭ رەسمي سايتىنا سىلتەمە جاساپ.

مەملەكەت باسشىسى قىزىلوردا وبلىسىنىڭ دامۋىنا باسا ءمان بەرەتىنىن اتاپ ءوتتى. سونداي- اق كۇردەلى گەوساياسي احۋال كەزەڭىندە قازاقستاننىڭ وركەندەۋى جولىندا ەلىمىزدى بىرلىك تانىتىپ، ەڭبەك ەتۋگە شاقىردى.

- شىن مانىندە، ەڭبەك ادامدارى حالقىمىز ءۇشىن ەڭ قاجەت ازاماتتار. ەڭ الدىمەن، ءبىز ەڭبەك ادامدارىنا قۇرمەت كورسەتۋىمىز كەرەك. سىزدەر وسى اق كۇرىشتىڭ اتاسى - ىبىراي جاقايەۆتىڭ جولىن جالعاپ جۇرسىزدەر. سوندىقتان مەن سىزدەردى قولدايمىن، - دەدى مەملەكەت باسشىسى.

ديقاندار اۋىل شارۋاشىلىعىنىڭ دامۋىنا ايرىقشا ءمان بەرىپ، مەملەكەت تاراپىنان قولداۋ شارالارىن كوبەيتكەنى ءۇشىن پرەزيدەنتكە العىس ايتتى. اسىرەسە، سۋ رەسۋرستارى مينيسترلىگىن قۇرۋ جونىندەگى جاڭالىقتى سىر بويىنىڭ ديقاندارى قۋانا قابىلداعانىن جەتكىزدى. سونىمەن قاتار ولار اۋىلدا جاستارعا جايلى جاعداي جاسالعانىنا، جاس مامانداردىڭ ەل ىشىندە قىزۋ ەڭبەك ەتىپ جاتقانىنا توقتالدى.

قاسىم- جومارت توقايەۆ جاستارىمىزدىڭ ەڭبەكقور، ۇقىپتى، وتانسۇيگىش بولۋى كەرەك ەكەنىن جانە ولارعا ءارقاشان قولداۋ كورسەتىلەتىنىن اتاپ ءوتتى.

- اۋىلدا جاستاردىڭ جۇمىس ىستەۋىنە، ءومىر سۇرۋىنە قولايلى جاعداي جاسالعان. وسىنداي اۋىلداردى كوبەيتۋىمىز كەرەك. وعان شامامىز دا، قاراجاتىمىز دا جەتەدى. كاسىپكەرلەرمەن كەزدەسكەنىمدە ەلدى مەكەندەرگە قارجى سالىپ، كومەكتەسۋ كەرەك دەپ ۇنەمى ايتىپ كەلەمىن. ناعي ءىلياسوۆ باسقا اۋىلدارعا دا ۇلگى بولۋى قاجەت. سوندىقتان وزگە وبلىستار دا اۋىلداردى وسىلاي دامىتادى دەپ ويلايمىن، - دەدى مەملەكەت باسشىسى.

اۆتور

اسحات رايقۇل

سوڭعى جاڭالىقتار