پرەزيدەنت اۋىل شارۋاشىلىعى سالاسىنىڭ ءبىرقاتار ماماندارىن ماراپاتتادى
استانا. KAZINFORM - پرەزيدەنت جارلىعىمەن اۋىل شارۋاشىلىعى، تاماق جانە وڭدەۋ ونەركاسىبى قىزمەتكەرلەرى كۇنى قارساڭىندا ەلدىڭ اگروونەركاسىپ كەشەنىندەگى جەمىستى ەڭبەگى، وتاندىق اۋىل شارۋاشىلىق ينفراقۇرىلىمنىڭ دامۋىنا قوسقان ۇلەسى ءۇشىن ءبىر توپ سالا وكىلدەرىنە مەملەكەتتىك ناگرادالار تابىستالدى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
اتاپ ايتقاندا، «قازاقستاننىڭ ەڭبەك ەرى» اتاعى مەن «وتان» وردەنى «زەنچەنكو جانە ك» سەرىكتەستىگىنىڭ باس ديرەكتورى گەننادي گەنناديەۆيچ زەنچەنكوعا بەرىلدى.
سونىمەن قاتار اۋىل شارۋاشىلىعى سالاسىنىڭ ءبىر توپ ەڭبەككەرى Ⅱ جانە Ⅲ دارەجەلى «بارىس»، «پاراسات»، «قۇرمەت»، III دارەجەلى «ەڭبەك داڭقى» وردەندەرىمەن جانە «ەرەن ەڭبەگى ءۇشىن» مەدالىمەن ماراپاتتالدى.
ەسكە سالا كەتەيىك، بۇگىن استانادا مەملەكەت باسشىسىنىڭ قاتىسۋىمەن اۋىل شارۋاشىلىعى سالاسى قىزمەتكەرلەرىنىڭ فورۋمى وتكەنىن جازعان بولاتىنبىز.
اۆتور
باقىتگۇل اباي قىزى
