پرەزيدەنت استانالىق وقۋشىنىڭ ارمانىن ورىندادى
مەملەكەت باسشىسى قاسىم- جومارت توقايەۆقا حات جازعان استانالىق وقۋشىنىڭ ارمانى ورىندالدى، دەپ حابارلايدى قازاقپارات.
12 جاسار كەمەل ءجۇسىپوۆ ق ر پرەزيدەنتىنە حات جازىپ، ونى الەۋمەتتىك جەلىدە جاريالاعان.
«قۇرمەتتى قاسىم-جومارت كەمەل ۇلى! مەنىڭ اتىم ءسىزدىڭ اكەڭىزدىڭ ەسىمى سياقتى -كەمەل. وسىدان تۋرا 12 جىل بۇرىن 4-جەلتوقساندا اتا-انام ماعان وسى ەسىمدى بەردى. مەن استانادا تۇرامىن، قازاقستان تاريحىن، دۇنيەجۇزىلىك تاريح پەن گەوگرافيانى سۇيسىنە وقيمىن، ءتۇرلى ەلدەردىڭ بانكنوتى مەن مونەتالارىن جينايمىن، ساياحاتتاعاندى ۇناتامىن جانە 4 ەلدە بولدىم. ءبۇتىن الەمدى شارلاپ شىعۋدى ارماندايمىن... مەن سىزبەن كەزدەسۋدى جانە قولتاڭباڭىز قويىلعان «اكە تۋرالى وي-تولعاۋ» كىتابىن سىيلىققا الۋدى ارماندايمىن. حاتىما نازار اۋداراسىز جانە ارمانىم ورىندالادى دەپ ۇمىتتەنەمىن»، - دەلىنگەن وقۋشىنىڭ حاتىندا.
كۇنى كەشە كەمەل ءجۇسىپوۆ Instagram-داعى پاراقشاسىندا مەملەكەت باسشىسى ءوزىنىڭ ارمانىن ورىنداعانىن جازدى.
«پرەزيدەنت حاتىمدى وقىدى. ءوزىمنىڭ 12 جاسقا تولعان تۋعان كۇنىمە توقايەۆ قاسىم-جومارت كەمەل ۇلىنىڭ ىزگى تىلەگى مەن قولتاڭباسى بار كىتاپتى سىيلىققا الدىم. ارمانىم ورىندالدى، ءالى سەنە الار ەمەسپىن»، - دەدى جەتكىنشەك.
اۆتور
گۇلميرا الياكپاروۆا
Посмотреть эту публикацию в Instagram
Посмотреть эту публикацию в Instagram
