پرەزيدەنت ارمەنيا پرەمەر- ءمينيسترى نيكول پاشينيانمەن تەلەفون ارقىلى سويلەستى
مەملەكەت باسشىسى ارمەنيا پرەمەر- ءمينيسترى نيكول پاشينيانمەن تەلەفون ارقىلى سويلەستى، دەپ حابارلايدى Kazinform اقورداعا سىلتەمە جاساپ.
اڭگىمەلەسۋ بارىسىندا پرەزيدەنت ەكىجاقتى قاتىناستاردىڭ دايەكتى دامىپ كەلە جاتقانىن اتاپ ءوتىپ، ءوزارا بايلانىستاردى نىعايتۋعا بەلسەندى ساياسي ديالوگ جانە ەكى مەملەكەتتىڭ ۇكىمەتتەرى مەن پارلامەنتتەرى دەڭگەيىندەگى ىقپالداستىق سەپتىگىن تيگىزەتىنىن ايتتى. مادەني- گۋمانيتارلىق ىنتىماقتاستىق تا قارقىندى دامىپ كەلەدى.
قاسىم-جومارت توقايەۆ اقتاۋ - ەريەۆان - اقتاۋ باعىتى بويىنشا اۋە رەيستەرىنىڭ ىسكە قوسىلۋىن وڭ باعالادى. سونىڭ ناتيجەسىندە بيزنەس- بايلانىستار مەن تۋريستىك ساپارلار ايتارلىقتاي جاندانا ءتۇستى.
تاراپتار پەرسپەكتيۆتى باعىتتارداعى، سونىڭ ىشىندە كولىك، لوگيستيكا جانە ساۋدا سالالارىنداعى قارىم- قاتىناستاردى ودان ءارى ارتتىرۋ ماسەلەسىن تالقىلادى.
اۆتور
ابىلايحان جۇماشيەۆ
