پرەزيدەنت: الدىمىزدا تۇرعان مىندەت - مۇناي- گاز سالاسىندا قوسىلعان قۇنى جوعارى كلاستەرلەر قۇرۋ

Президент
Фото: Фото: akorda.kz

مەملەكەت باسشىسى قاسىم- جومارت توقايەۆ ەلوردادا ءوتىپ جاتقان XV KazEnergy ەۋرازيالىق فورۋمىنا قاتىسۋشىلارعا قۇتتىقتاۋ جولدادى. پرەزيدەنت قۇتتىقتاۋىن ەنەرگەتيكا ءمينيسترى الماسادام ساتقاليەۆ وقىپ بەردى، دەپ حابارلايدى قازاقپارات ءتىلشىسى.

«قازىرگى جاھاندىق ەنەرگەتيكا ماڭىزدى كليماتتىق جانە گەوساياسي قيىندىقتارعا تاپ بولىپ وتىر. بۇل ەنەرگەتيكالىق قاۋىپسىزدىكتىڭ، تۇراقتى ەنەرگيا جەتكىزۋ تىزبەگىنىڭ جانە «جاسىل» تەحنولوگيانىڭ ماڭىزدىلىعىن كورسەتەدى. قازاقستان ەكسپورتتىق باعىتتاردى، سونداي- اق قاجەتتى كولىكتىك- لوگيستيكالىق ينفراقۇرىلىمدى بەلسەندى دامىتا وتىرىپ، الەمدىك نارىققا ەنەرگيا رەسۋرستارىن سەنىمدى جەتكىزۋشى رەتىندە ءوزىن تانىتتى»، - دەپ اتاپ وتەدى مەملەكەت باسشىسى.

پرەزيدەنتتىڭ اتاپ وتۋىنشە، وتىن- ەنەرگەتيكا كەشەنى ەلىمىزدىڭ ۇدەمەلى ىلگەرىلەۋىنىڭ باستى قوزعاۋشى كۇشتەرىنىڭ ءبىرى سانالادى. سالا اۋقىمدى شەتەلدىك ينۆەستيتسيالار مەن جاڭا تەحنولوگيالاردى تارتادى.

«سونىمەن بىرگە ءبىز ەكونوميكانى دايەكتى ءارتاراپتاندىرۋعا ەرەكشە نازار اۋدارامىز. ءبىزدىڭ الدىمىزدا تۇرعان مىندەت - سەرپىندى جوبالاردى، ونىڭ ىشىندە مۇناي مەن گازدى تەرەڭ وڭدەۋ سالاسىنداعى جوبالاردى ىسكە اسىرۋ ارقىلى قوسىلعان قۇنى جوعارى كلاستەرلەردى قۇرۋ. ەلىمىز تازا جانە جاڭارتىلاتىن ەنەرگيا كوزدەرىنە ينۆەستيتسيالار تارتۋ ءۇشىن قولايلى جاعدايلار جاسادى جانە 2060 -جىلعا قاراي كومىرتەگى بەيتاراپتىعىنا قول جەتكىزۋ ستراتەگياسىن قابىلدادى. 2030 -جىلعا قاراي ەلدىڭ ەنەرگيا تەڭگەرىمىندەگى جاڭارتىلاتىن ەنەرگيا كوزدەرىنىڭ ۇلەسى كەمىندە 15 پايىزدى قۇراۋى ءتيىس. بۇگىنگى فورۋم مەن قازاقستاننىڭ ەنەرگەتيكالىق اپتالىعى بارىسىندا قاتىسۋشىلار يدەيالارىمەن الماسىپ، ەنەرگەتيكالىق سەكتوردى ودان ءارى دامىتۋدىڭ جاڭا تاسىلدەرىن ازىرلەيتىنىنە سەنىمدىمىن»، - دەدى قاسىم- جومارت توقايەۆ.

اۆتور

ايدار وسپاناليەۆ

سوڭعى جاڭالىقتار