پرەزيدەنت اپات بولعان ايماق باسشىلارىنا جەكە-جەكە جاۋاپكەرشىلىك جۇكتەدى
قاسىم-جومارت توقايەۆقا اتىراۋ، قاراعاندى، پاۆلودار، ماڭعىستاۋ وبلىستارىنىڭ اكىمدەرى ايماق تۇرعىندارىن جىلۋمەن جانە سۋمەن قامتاماسىز ەتۋ ماسەلەسى جونىندە ەسەپ بەردى، دەپ حابارلايدى Kazinform اقورداعا سىلتەمە جاساپ.
پرەزيدەنت اپات بولعان ۋچاسكەلەردەگى جاعدايدى شۇعىل رەتتەپ، حالىقتى جىلۋمەن جانە سۋمەن قامتۋ ءىسىن تەز ارادا قالپىنا كەلتىرۋدى جانە بارلىق ەلدى مەكەندەگى كوممۋنالدىق جەلىلەردىڭ ۇزدىكسىز جۇمىسىن جولعا قويۋدى تالاپ ەتتى.
ۇكىمەتكە جىلىتۋ ماۋسىمىنا دايىندىق كەزىندە ولقىلىقتار جىبەرىلگەنى تۋرالى ايتىلدى.
ۇكىمەت باسشىلىعى ەلىمىزدەگى توزىعى جەتكەن ەنەرگەتيكالىق ينفراقۇرىلىمداعى بۇزىلۋ جاعدايلارىن قوسپاعاندا، جالپى احۋال باقىلاۋدا ەكەنىن مالىمدەدى.
اپاتتىق جاعدايلارعا جول بەرمەۋ شارالارى قابىلدانىپ جاتىر.
مەملەكەت باسشىسى بەرىلگەن تاپسىرمالاردى ورىنداۋ ءۇشىن ۇكىمەتكە جانە وبلىس اكىمدەرىنە جەكە-جەكە جاۋاپكەرشىلىك جۇكتەدى.
اۆتور
جانات قاپالبايەۆا
