گرۋزيالىق ينۆەستورلار قازاقستانعا 400 ميلليون دوللار قارجى قۇيدى - بەكتەنوۆ

استانا. KAZINFORM - قازاقستان پەن گرۋزيا اراسىندا ينۆەستيتسيالىق ارىپتەستىك ءۇردىسى ارتىپ كەلەدى. بۇل تۋرالى ق ر پرەمەر-ءمينيسترى ولجاس بەكتەنوۆ ايتتى.

Kazakhstan, Georgia to ramp up mutual trade
Photo credit: gov.kz

- گرۋزيا - قازاقستاننىڭ ماڭىزدى ەكونوميكالىق سەرىكتەسى. وسى ورايدا ەكى ەل اراسىندا ينۆەستيتسيالىق ارىپتەستىك ءۇردىسى ارتىپ كەلە جاتقانىن اتاپ ءوتۋ كەرەك. سوڭعى 20 جىل ىشىندە گرۋزيالىق ينۆەستورلار قازاقستان ەكونوميكاسىنا 400 ميلليون دوللاردان استام قارجى قۇيدى، ءوز كەزەگىندە ءبىزدىڭ ەلدىڭ كاسىپكەرلەرى بۇل ەلگە 620 ميلليون دوللارداي ينۆەستيتسيا سالدى. ء بىز بۇدان كەيىن دە ينۆەستيتسيالىق ارىپتەستىكتى ارتتىرامىز جانە ەلدەگى بيزنەس- احۋالدى جاقسارتا تۇسپەكپىز، - دەدى ول گرۋزيا پرەمەر-ءمينيسترى يراكلي كوباحيدزەمەن كەلىسسوز بارىسىندا.

Объем грузоперевозок между Казахстаном и Грузией увеличился до 4,5 млн тонн
Фото: Агибай Аяпбергенов/ Kazinform

سونداي-اق ۇكىمەت باسشىسى ءوزارا ساۋدا-ساتتىق كولەمىنىڭ ارتۋى ەكى ەل اراسىنداعى ىقپالداستىقتىڭ ماڭىزدى اسپەكتىسى ەكەنىن اتاپ ءوتتى.

- قازىرگى الەمدەگى احۋالعا جانە تاۋار جەتكىزۋدىڭ جاھاندىق تىزبەگىنىڭ تۇرلەنۋىنە قاراماستان ءبىز بىرلەسە وتىرىپ ەكى ەلدىڭ ساۋدا-ساتتىق قارىم-قاتىناسىن ارتتىرماقپىز. ءبىز گرۋزياعا جەتكىزىلەتىن تاۋارلار تىزىمىنە جاڭا شيكىزاتتىق ەمەس تاۋار تۇرلەرىنىڭ قوسىلىپ جاتقانىنا قۋانىشتىمىز، - دەدى ولجاس بەكتەنوۆ.

别克帖诺夫会见格鲁吉亚总理 双边合作迈向新阶段
Фото: 总理官网

قازاقستان مەن گرۋزيا اراسىندا ترانس كاسپي حالىقارالىق كولىك باعىتى ارقىلى جۇك تاسىمالداۋ كولەمى وتكەن جىلى 62 پايىزعا ارتتى.

- قازاقستان مەن گرۋزيا ترانس كاسپي حالىقارالىق كولىك باعىتىن (ت ح ك ب) دامىتۋ اياسىندا بىرلەسە قىزمەت اتقارىپ كەلەدى. وسى باعىت بويىنشا وتكەن جىلى جۇك تاسىمالداۋ كولەمى %62- عا ءوسىپ، 4,5 ميلليون توننانى قۇرادى. بۇل 2021 -جىلعى كورسەتكىشتەن 5 ەسەدەي كوپ. باعىتتىڭ الەۋەتىن ارتتىرۋ، سونداي-اق ينفراقۇرىلىمدى، پورت جانە تەرمينالدىق قۋاتتى جاقسارتۋ، جىلجىمالى قۇرامدى ۇلعايتۋ، اكىمشىلىك كەدەرگىلەردى جويۋ جانە تاسىمالداۋشىلار ءۇشىن قولايلى جاعداي جاساۋ جۇمىستارى جۇرگىزىلىپ جاتىر. قازاقستان ۇكىمەتى بارلىق باعىت بويىنشا قازاقستان-گرۋزيا ارىپتەستىگىنىڭ سەرپىندى دامۋىن قامتاماسىز ەتۋ ءۇشىن جان-جاقتى جۇمىستى جالعاستىرۋعا نيەتتى، - دەدى ول گرۋزيا پرەمەر-ءمينيسترى يراكلي كوباحيدزەمەن كەلىسسوز بارىسىندا.

Kazakhstan, Georgia to ramp up mutual trade
Photo credit: gov.kz

ءوز كەزەگىندە يراكلي كوباحيدزە گرۋزيانىڭ قازاقستانمەن ەكىجاقتى بايلانىستاردى دامىتۋعا جانە نىعايتۋعا مۇددەلى ەكەنىن اتاپ ءوتتى.

- بۇل مەنىڭ قازاقستانعا ەكونوميكالىق جانە مادەني ءوزارا ءىس-قيمىلدى نىعايتۋعا باعىتتالعان العاشقى ءارى ماڭىزدى رەسمي ساپارىم. بۇگىندە مەملەكەتتەرىمىز اراسىندا ىنتىماقتاستىقتىڭ ءتۇرلى باعىتىندا ۇلكەن جەتىستىكتەر بار. ءبىز قازاقستانمەن جان-جاقتى ارىپتەستىكتى ودان ءارى دامىتۋعا مۇددەلىمىز، - دەدى يراكلي كوباحيدزە.

ايتا كەتەيىك، بۇعان دەيىن 20 جىل ىشىندە ەل ەكونوميكاسىنا گرۋزيالىق ينۆەستورلار قانشا قارجى قۇيعانىن جازعان ەدىك.

اۆتور

ەربول جانات

سوڭعى جاڭالىقتار