ەرىكتى بولسام دا، ەل سپورتشىلارىنا جانكۇيەرمىن - پاريجدەگى قازاق ازاماتى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا ەرىكتى بولىپ جۇرگەن قازاق ازاماتتارى دا جوق ەمەس.

بۇگىن سول ازاماتتاردىڭ بىرىمەن تانىسىپ، از-كەم اڭگىمەگە تارتىپ كوردىك. ءوزىن ەرىك تولەپبەرگەن ۇلى دەپ تانىستىرعان ازامات وتكەن جىلى ماي ايىندا ەرىكتى بولىپ قىزمەت اتقارۋعا قۇجات تاپسىرعانىن، كەيىن وڭ جاۋاپ الىپ، بۇگىنگى تاڭدا پاريج وليمپياداشىلارىنا ەرىكتى بولىپ قىزمەت اتقارىپ جۇرگەنىن ايتىپ بەردى.

فرانسياعا كوشىپ كەلگەنىنە بيىل تۋرا جەتى جىل بولعان. وتباسىمەن بىرگە قازىرگى تاڭدا پاريجدە تۇرىپ جاتقانىن اتاپ ءوتتى.

سونىمەن قاتار، ءوزى بوكستىڭ فاناتى ەكەنىن، قازاق بوكسشىلارىنا جانكۇيەر بولىپ جۇرگەنىن دە جاسىرمادى.

اۆتور

كۇنسۇلتان وتارباي