رومان سكلياردىڭ توراعالىعىمەن ينۆەستيتسيالار تارتۋ جونىندەگى كەڭەستىڭ كەزەكتى وتىرىسى ءوتتى

استانا. KAZINFORM – ق ر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن ينۆەستيتسيالار تارتۋ جونىندەگى كەڭەستىڭ كەزەكتى وتىرىسى ءوتتى. بۇل تۋرالى ق ر ۇكىمەتى ءمالىم ەتتى.

Роман Склярдың төрағалығымен Инвестициялар тарту жөніндегі кеңестің кезекті отырысы өтті
Фото: ҚР Үкіметі

ينۆەستيتسيالىق شتاب وتىرىسىندا نەگىزگى كاسىپورىنداردى جاڭعىرتۋعا، جاڭا جۇمىس ورىندارىن قۇرۋعا جانە يننوۆاتسيالىق وندىرىستەردى دامىتۋعا باعىتتالعان ينۆەستيتسيالار تۋرالى كەلىسىمدەردىڭ نەگىزگى تالاپتارى قارالىپ، ماقۇلداندى.

«Qarmet» ا ق- مەن ينۆەستيتسيالار تۋرالى كەلىسىم ماقۇلداندى. «Qarmet» ا ق. 2024 -جىلى كومپانيا ءوزىنىڭ ينۆەستيتسيالىق مىندەتتەمەلەرىن ورىنداۋ شەڭبەرىندە جوعارى قايتا ءبولۋ كلاستەرلەرىن قۇرۋ ءۇشىن زاۋىتتى جاڭعىرتۋعا جانە ينفراقۇرىلىمدى دامىتۋعا $1,3 ميلليارد ينۆەستيتسيالادى. بۇل رەتتە، ۇزاق مەرزىمدى ستراتەگيا شەڭبەرىندە كاسىپورىن 2028 -جىلدىڭ سوڭىنا دەيىن ينۆەستيتسيالىق جوبالاردى ىسكە اسىرۋعا $3,5 ميلليارد باعىتتاۋدى جوسپارلاپ وتىر. «Qarmet» اق زاۋىتىن جاڭعىرتۋ ءوڭىردىڭ الەۋمەتتىك- ەكونوميكالىق دامۋىنداعى ماڭىزدى قادام بولماق.

سونىمەن قاتار سولتۇستىك قازاقستان وبلىسىندا «Ultradecor Trading Kazakhstan» ج ش س باعدارلانعان جوڭقا جانە لاميناتتالعان اعاش- جوڭقا تاقتالارىن شىعاراتىن زاۋىت سالۋ بويىنشا ينۆەستيتسيالار تۋرالى كەلىسىم جاساسۋ ماقۇلداندى. جوبانى ىسكە اسىرۋ وڭدەۋ ونەركاسىبىن دامىتۋدىڭ مۋلتيپليكاتيۆتىك اسەرىن تۋدىرادى جانە ەكونوميكاعا شامامەن 82 ميلليارد تەڭگە ينۆەستيتسيا اكەلەدى.

سونداي- اق تۇركىستان وبلىسىنداعى وگەم وزەنىندە سۋ ەلەكتر ستانسالارى كاسكادى بار سۋ قۇبىرىن سالۋ جوباسى ماقۇلداندى. جوباعا سالىنعان ينۆەستيتسيالاردىڭ جالپى كولەمى شامامەن 190 ميلليارد تەڭگەنى قۇرايدى. جوبانىڭ ماقساتى - تۇركىستان وبلىسىنىڭ 1 ميلليونعا جۋىق تۇرعىنىن ساپالى اۋىز سۋمەن قامتاماسىز ەتۋ. جوبا سونىمەن قاتار وڭىردەگى ەلەكتر ەنەرگياسىنىڭ تاپشىلىعىن جابۋعا، سانيتارلىق- گيگيەنالىق جاعدايلاردى جانە جەرگىلىكتى حالىقتىڭ جالپى ءومىر ءسۇرۋ ساپاسىن جاقسارتۋعا باعىتتالعان.

بۇل باستامالار زاماناۋي تەحنولوگيالاردى ەنگىزۋگە، جوعارى اقى تولەنەتىن جۇمىس ورىندارىن قۇرۋعا جانە ەل ەكونوميكاسىنىڭ باسەكەگە قابىلەتتىلىگىن ارتتىرۋعا باعىتتالعان قازاقستاننىڭ ونەركاسىپتىك الەۋەتىنىڭ سەنىمدى دامۋىن كورسەتەدى.

سوڭعى جاڭالىقتار