رومان سكليار جۇمىس ساپارىمەن قىتايعا باردى
2023-جىلعى 16-جەلتوقساندا قىتاي تاراپىنىڭ شاقىرۋىمەن ق ر پرەمەر-ءمينيسترىنىڭ ءبىرىنشى ورىنباسارى رومان سكليار جۇمىس ساپارىمەن قىتايدىڭ ماڭىزدى ونەركاسىپتىك، يننوۆاتسيالىق جانە عىلىمي-ءبىلىم بەرۋ ورتالىقتارىنىڭ ءبىرى حەفەي قالاسىنا (انحوي پروۆينتسياسى) باردى.
بۇل تۋرالى Kazinform ق ر ۇكىمەتىنىڭ باسپا ءسوز قىزمەتىنە سىلتەمە جاساپ حابارلايدى.
اتالعان ساپار بارىسىندا رومان سكليار انحوي پروۆينتسياسى پارتيا كوميتەتىنىڭ حاتشىسى حان جيۋنمەن جانە انحوي پروۆينتسياسى حالىق ۇكىمەتىنىڭ ءتوراعاسى ۆاڭ سينسيانمەن كەلىسسوزدەر جۇرگىزىپ، ونىڭ اياسىندا تاراپتار قازاقستان وڭىرلەرى مەن انحوي پروۆينتسياسى اراسىنداعى ساۋدا- ەكونوميكالىق، ينۆەستيتسيالىق، ونەركاسىپتىك جانە مادەني-گۋمانيتارلىق ىنتىماقتاستىقتى ودان ءارى تەرەڭدەتۋدىڭ وزەكتى ماسەلەلەرىن تالقىلادى.
ءىس- شارانىڭ قورىتىندىسى بويىنشا «استانا موتورس» ج ش س مەن قىتايلىق «Chery International Co.، Ltd.» اۆتوموبيل جاساۋ كومپانياسى اراسىندا ىنتىماقتاستىق تۋرالى مەموراندۋمعا قول قويۋ ءراسىمى ءوتتى، وندا «الماتى» يندۋستريالىق ايماعىندا اۆتوونەركاسىپتىك پاركتىڭ بىرلەسكەن قۇرىلىسى سالاسىندا جوعارىدا اتالعان ق ر مەن ق ح ر كاسىپورىندارى اراسىنداعى ستراتەگيالىق ىنتىماقتاستىقتى دامىتۋ كوزدەلگەن.
ساپار سوڭىندا قازاقستاندىق دەلەگاتسيا «JAC Group» - «JAC Xinggang» جانە «JAC NIO» قىتايلىق ءىرى اۆتوموبيل جاساۋ كومپانيالارىنىڭ ءبىرى، سونداي- اق حەفەي قالاسىنىڭ ەكونوميكالىق جانە تەحنولوگيالىق دامۋ ايماعىن ارالاپ، «Sungrow Power Supply Co.، Ltd.» قىتاي ەنەرگەتيكالىق كومپانياسىنىڭ وندىرىستىك بازالارىنىڭ نەگىزگى قىزمەتىمەن تانىستى.
اۆتور
ايدار وسپاناليەۆ
