ەردوعان دۇيسەن قاسەيىنوۆكە الىشەر ناۋاي اتىنداعى حالىقارالىق سىيلىقتى تابىستادى

ماراپاتتاۋ تۋرالى شەشىم تۇركى مەملەكەتتەرى ۇيىمىنىڭ سىرتقى ىستەر مينيسترلەرى كەڭەسى وتىرىسىنىڭ قورىتىندىسى بويىنشا قابىلداندى. سالتاناتتى ءراسىم 2026 -جىلعى 29 -قازاندا انكارادا وتكەن ت م ۇ- نىڭ 13-سامميتى اياسىندا ءوتتى. جوعارى ماراپاتتى تۇركيا رەسپۋبليكاسىنىڭ پرەزيدەنتى رەجەپ تايپ ەردوعان تابىستادى.

بۇل ماراپات دۇيسەن قاسەيىنوۆتىڭ تۇركى ەلدەرىنىڭ مادەني بايلانىسىن نىعايتىپ، ارىپتەستىگىن كەڭەيتۋ جولىنداعى كوپجىلدىق ەڭبەگىنە بەرىلگەن جوعارى باعا بولدى.

قازاقستاننىڭ ەڭبەك سىڭىرگەن ونەر قايراتكەرى، بۇرىنعى مادەنيەت ءمينيسترى دۇيسەن قاسەيىنوۆ 2008-2022 -جىلدارى حالىقارالىق تۇركى مادەنيەتى ۇيىمى - تۇركسوي- عا باسشىلىق ەتتى. وسى جىلدارى ول تۇركى حالىقتارىنىڭ مادەني مۇراسىن كەڭىنەن تانىتۋعا، شىعارماشىلىق باستامالاردى قولداۋعا جانە قازاقستان مادەنيەتىن حالىقارالىق دەڭگەيدە ناسيحاتتاۋعا ەلەۋلى ۇلەس قوستى.

مادەنيەت جانە اقپارات مينيسترلىگى دۇيسەن قاسەيىنوۆتىڭ ورتاق مۇرانى ساقتاۋ جانە تۇركى مەملەكەتتەرى اراسىنداعى گۋمانيتارلىق بايلانىستى نىعايتۋ جولىنداعى ەڭبەگىن ەسكەرە وتىرىپ، ونىڭ كانديداتۋراسىن وسى سىيلىققا ۇسىندى.

الىشەر ناۋاي اتىنداعى حالىقارالىق سىيلىق 2021 -جىلى وزبەكستان پرەزيدەنتىنىڭ باستاماسىمەن تاعايىندالعان. العاش رەت 2022 -جىلى قىرعىز جازۋشىسى شىڭعىس ايتماتوۆ ومىردەن وتكەننەن كەيىن اتالعان سىيلىقپەن ماراپاتتالدى. 2025 -جىلى تۇرىك عالىمى، نوبەل سىيلىعىنىڭ لاۋرەاتى ءازيز سانجار سىيلىق يەگەرى اتاندى.

- قازاقستان رەسپۋبليكاسىنىڭ مادەنيەت جانە اقپارات مينيسترلىگى دۇيسەن قاسەيىنوۆكە زور دەنساۋلىق، باق-بەرەكە جانە وتاندىق مادەنيەتتى وركەندەتۋ مەن تۇركى الەمىنىڭ مادەني بىرلىگىن نىعايتۋ جولىنداعى الداعى قىزمەتىنە شىعارماشىلىق تابىس تىلەيدى، - دەلىنگەن مينيسترلىك حابارلاماسىندا.

دۇيسەن قاسەيىنوۆ ءداستۇرلى مۋزىكا جانە بي حالىقارالىق ۇيىمىنىڭ ەلشىسى اتانعانىن جازعان ەدىك.