ەۋروپانىڭ كوپ بولىگىن قار باسىپ قالدى

نيدەرلاندتىڭ KNMI مەتەورولوگيا بيۋروسى ەلدىڭ جاعالاۋداعى اۋداندارىندا اۋا رايىنا بايلانىستى ەسكەرتۋدىڭ «سارى كودىن» جاريالادى. وندا قالىڭ قار جاۋادى جانە جولداردا كوكتايعاق بولادى دەپ بولجانعان، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

سەنبى كۇنى ەۋروپانىڭ كوپ بولىگىن قار باسىپ قالدى، ال نەمىستىڭ ميۋنحەن قالاسىنداعى اۋەجاي جابىلىپ، 700-دەن استام رەيس توقتاتىلدى.

اۋستريا مەن شۆەيتساريادا دا جۇما كۇنى 50 سانتيمەترگە دەيىن قار جاۋىپ، قيىندىق تۋىندادى. انگليا مەن شوتلانديانىڭ كەي بولىكتەرىندە دە قىس قاھارىنا ءمىندى.

نيدەرلاند سينوپتيكتەرىنىڭ دەرەگىنشە، قالىڭ قار اسىرەسە ەلدىڭ سولتۇستىكتەگى پروۆينتسيالارىنا جاۋىپ، بيىكتىگى بەس سانتيمەترگە جەتۋى مۇمكىن. دۇيسەنبى كۇنى دە جاۋىن- شاشىن بولادى، ءبىراق سودان كەيىن تەمپەراتۋرا بىرتىندەپ جوعارىلاي باستاپ، قاردى جاڭبىر الماستىرادى.

وسىنداي كۇن رايى بەلگيادا دا بولادى. ەلدەگى باتىس جانە شىعىس فلاندريادا كوكتايعاق بولۋى ىقتيمال. سونداي- اق قار جاۋىپ (1-3 س م ارالىعىندا)، اسىرەسە باتىستا كوكتايعاق بولادى دەگەن بولجام بار.

اۆتور

بالنۇر قوجاگەلدى