ەۋروپالىق وداق ارمەنيا مەن ازەربايجان شەكاراسىن دەليميتاتسيالاۋ ماسەلەسىن قولدايدى
استانا. KAZINFORM - ەۋروپالىق سىرتقى ارەكەت قىزمەتى 1991 -جىلعى الماتى كەلىسىمى نەگىزىندە ارمەنيا- ازەربايجان شەكاراسىن دەليميتاتسيالاۋ پروتسەسىندە قول جەتكىزىلگەن ىلگەرىلەۋدى، اتاپ ايتقاندا، 15 مامىردا ارمەنيا-ازەربايجان شەكارا كوميسسيالارىنىڭ 9- وتىرىسىندا قول قويىلعان حاتتامانى قۇپتايدى.
سونىڭ ناتيجەسىندە شەكارانىڭ بىرنەشە ۋچاسكەسىنە قاتىستى كەلىسىمگە قول جەتكىزىلگەن ەدى.
«ە و تاراپتاردى ەكىجاقتى ماسەلەلەردى شەشۋ ءۇشىن ودان ءارى شەشۋشى قادامدار جاساۋعا شاقىرادى جانە وڭتۇستىك كاۆكاز ايماعىندا تۇراقتى جانە ۇزاق بەيبىتشىلىك ورناتۋعا باعىتتالعان كۇش-جىگەردى قولداۋعا نيەتتى»، - دەلىنگەن ە ا ە و مالىمدەمەسىندە.
ارمەنيا مەن ازەربايجان شەكاراسىندا العاشقى شەكارا باعانى ورناتىلعانىن جازعان بولاتىنبىز.
11-مامىردا الماتىدا ازەربايجان مەن ارمەنيا سىرتقى ىستەر مينيسترلەرى كەلىسسوزدەردى جالعاستىرۋعا كەلىستى.
15-مامىردا ازەربايجان مەن ارمەنيانىڭ دەليميتاتسيا ماسەلەلەرى جونىندەگى مەملەكەتتىك كوميسسيالارى ازەربايجاننىڭ گازاح اۋماعى مەن ارمەنيانىڭ تاۆۋش ايماعىنداعى ەلدى مەكەندەر اراسىنداعى شەكارا سىزىعىنىڭ ۋچاسكەلەرىن سيپاتتايتىن بىرلەسكەن حاتتاما جاسادى.
اۆتور
ەلميرا ورالبايەۆا
