ەۋروپالىق كوميسسيانىڭ ۇشۋ قاۋىپسىزدىگىنىڭ قارا تىزىمىندەگى بارلىق شەكتەۋلەر قازاقستاننان الىندى
استانا. KAZINFORM - اعىمداعى جىلدىڭ 15-مامىرىندا ەۋروپالىق وداقتىڭ 27 ەلىنىڭ اۆياتسيالىق بيلىك وكىلدەرىنىڭ قاتىسۋىمەن ەۋروپالىق كوميسسيانىڭ ۇشۋ قاۋىپسىزدىگى كوميتەتىنىڭ وتىرىسى ءوتتى.
كوميتەت وتىرىسى بارىسىندا ق ر كولىك ۆيتسە-ءمينيسترى تالعات لاستايەۆ باستاعان قازاقستاننىڭ اۆياتسيالىق بيلىك دەلەگاتسياسى ەلدەگى ۇشۋ قاۋىپسىزدىگى جونىندەگى ىستەردىڭ اعىمداعى جاي-كۇيى تۋرالى تىڭدادى.
قازاقستان رەسپۋبليكاسىنىڭ بەلگياداعى ەلشىلىگىنىڭ قولداۋىمەن كوميتەت وتىرىسى بارىسىندا قازاقستاندىق دەلەگاتسيا بۇرىن نىقتالعان ەسكەرتۋلەردى جويۋ بويىنشا قولدانىلعان شارالاردى ۇسىندى، ولاردى ەۋروپالىق كوميسسيا وڭ باعالادى.
ە و- عا مۇشە 27 مەملەكەت قابىلداعان كوميتەت وتىرىسىنىڭ شەشىمىنە سايكەس، ۇشۋ قاۋىپسىزدىگىن قامتاماسىز ەتۋدەگى ەلەۋلى پروگرەستى ەسكەرە وتىرىپ، قازاقستان مەن قازاقستاندىق تاسىمالداۋشىلاردان ەۋروپالىق وداق ەلدەرىنە ۇشۋعا قويىلعان بارلىق شەكتەۋلەر الىنىپ تاستالدى.
2024 -جىلعى 30-مامىرداعى حاتىندا ە ك-ءنىڭ ۇتقىرلىق جانە كولىك جونىندەگى باس ديرەكتوراتىنىڭ اۆياتسيا دەپارتامەنتىنىڭ ديرەكتورى فيليپ كورنەليس «ەۋروپالىق كوميسسيا قازاقستان قىزمەتىنىڭ كۇشەيتىلگەن مونيتورينگىن توقتاتۋ تۋرالى شەشىم قابىلدادى» دەپ اتاپ ءوتتى.
كوميتەتتىڭ بۇل وتىرىسىنىڭ الدىندا 2009 -جىلدان بەرى جۇرگىزىلگەن كوپتەگەن جۇمىستار، سونداي-اق ە و ساراپشىلارىمەن 2024-جىلعى اقپاندا ءساتتى جۇزەگە اسىرىلعان قازاقستاننىڭ اۆياتسيالىق بيلىگىنىڭ ۇشۋ قاۋىپسىزدىگى جۇيەسىنىڭ جۇمىسىنا تەحنيكالىق باعالاۋ جۇرگىزىلدى.
ايتا كەتسەك، 2022 -جىلى وتاندىق اۋە كومپانيالارىنىڭ ەۋروپالىق كوميسسيانىڭ قارا تىزىمىنە ەنۋ قاۋپى جوعارى بولدى.
جالپى، ە و ساراپشىلارى ۇشۋدى پايدالانۋ سالاسىنداعى سەرتيفيكاتتاۋ، باقىلاۋ جانە قاداعالاۋ جۇيەسىنىڭ ءتيىمدى جۇمىس ىستەۋى، ۇشۋ جارامدىلىعىن قولداۋ، اۆياتسيا قىزمەتكەرلەرىن وقىتۋ جانە ليتسەنزيالاۋ بويىنشا ەلەۋلى جاقسارتۋلاردى اتاپ ءوتتى.
ەۋروپالىق كوميسسيانىڭ 2021 -جىلدان باستاپ قازاقستاندى باقىلاۋ كەزەڭىندە ەلدەگى اۆياتسيالىق بيلىك ورگاندارىنىڭ جۇمىس ىستەۋىنىڭ جاڭا مودەلى دامۋدىڭ جانە ءتيىمدى قالىپتاسۋىنىڭ وڭ ديناميكاسىن كورسەتەدى، بۇل دا ەۋروپاعا ۇشۋعا قانداي دا ءبىر شەكتەۋلەرى جوق وتاندىق اۋە تاسىمالداۋشىلارىن دامىتۋعا قولايلى جاعداي جاسايدى. حالىقارالىق ازاماتتىق اۆياتسيا ۇيىمى مەن ەۋروپالىق كوميسسيانىڭ باعالاۋى بويىنشا، قازاقستان ازاماتتىق اۆياتسيا مەنەدجمەنتىن رەفورمالاۋدىڭ ءساتتى ۇلگىسى بولىپ تابىلادى.
اۆتور
اسحات رايقۇل
