ەۋروپا ءوزىنىڭ دەرەككوزدەرىن عارىشتا ساقتايدى

استانا. قازاقپارات - قازىر اقپارات زامانىندا ءومىر ءسۇرىپ جاتىرمىز. تەحنولوگيانىڭ كوز ىلىسپەس قارقىنمەن دامىعانى سونشالىق، كۇندە ءتۇرلى دەرەككوزدەن سان قيلى اقپارات الامىز.

الەم ەلدەرىندە ءىرى داتا ورتالىقتار سالىنادى

جاساندى ينتەللەكتىنىڭ يگىلىگىن كورۋ ءۇشىن الەم ەلدەرى قىرۋار قاراجاتىن جۇمساپ جاتىر. ۇلى بريتانيادا ەۋروپاداعى ەڭ ءىرى داتا ورتالىق اشىلماق. ال ءۇندىستاننىڭ ەڭ باي ادامى قالتاسىنان 30 ميلليارد دوللار بولۋگە نيەتتى.

چات دجي پي تي- ءدىڭ اتاسى وپەن اي جاپوندىق جانە اراب ەلدەرىنىڭ الپاۋىت تەحنولوگيالىق كومپانيالارىمەن بىرىگىپ ا ق ش-تاعى داتا ورتالىقتاردىڭ قۇرىلىس جوباسىن 500 ميلليارد دوللارعا دەيىن قارجىلاندىرماق.

بەنجامين لي، پەنسيلۆانيا ۋنيۆەرسيتەتىنىڭ ينجەنەرلىك جانە تەحنولوگيالار فاكۋلتەتىنىڭ پروفەسسورى:

- جاساندى ينتەللەكتىنىڭ قازىرگى ءوسۋ قارقىنى تاڭقالارلىق. ول قۋاتتى تەحنولوگيالارمەن قامتاماسىز ەتىلگەن. ەسەپتەۋ كۇشى، دەرەكتەردى جيناۋ جانە تالداۋ قابىلەتى ادام سەنگىسىز ناتيجەلەردى كورسەتىپ كەلەدى. مەديتسينا، قارجى سالاسى بولسىن كەز كەلگەن سالا جاساندى ينتەللەكتتىڭ جەمىسىن كورىپ وتىر دەپ ايتسام قاتەلەسپەيمىن. بۇل قارقىنمەن ول تەك دامي بەرەدى. ونى توقتاتۋ مۇمكىن ەمەس.

داتا ورتالىقتار نە ءۇشىن قاجەت؟

تەحنولوگيا دامىپ، ينتەرنەتتىڭ مۇمكىندىگى ارتقان سايىن، دامىعان ەلدەردە اقپارات قورىن سالا بويىنشا ءبىر ورتالىققا جيناۋ ءىسى قولعا الىندى. مۇنداي ورتالىقتاردا: تيكتوكتان كورگەن ءبىر مىسىقتىڭ ۆيدەوسىنان باستاپ، ماڭىزدى قۇجاتتارعا دەيىن ساقتالادى. ماسەلەن، الەم بويىنشا وسىنداي 10 مىڭنان استام ورتالىق جۇمىس ىستەيدى. ونىڭ تەڭ جارتىسى ا ق ش-قا تيەسىلى.

جالپى ادامزات تاريحىنداعى ەڭ العاشقى داتا ورتالىقتارى سوعىس جىلدارىندا بومبانىڭ ۇشۋىن ەسەپتەۋ، يادرولىق قارۋدىڭ كودتارىن ساقتاۋ جانە اۋا-رايىن بولجاۋ ءۇشىن قولدانىلعان. سالىستىرمالى تۇردە ايتالىق: سول كەزدەگى كومپيۋتەر مينۋتىنا 3 مىڭ وپەراتسيانى ورىنداسا، قازىر قولىمىزداعى سمارتفون سەكۋندىنا 11 تريلليون فۋنكسيانى ورىنداۋعا قابىلەتتى.

ا ق ش - 5388

گەرمانيا - 522

ۇلى بريتانيا - 517

قىتاي - 449

كانادا - 336

فرانسيا - 315

اۆستراليا - 306

نيدەرلاند - 300

رەسەي - 255

جاپونيا - 219

ەسكى مەن جاڭانىڭ اراسىنداعى ايىرماشىلىقتى وسىدان-اق كورۋگە بولادى.

ال كەلەشەكتە نە كۇتىپ تۇر؟

اقپاراتقا كىم يەلىك ەتسە، سول الەمدى بيلەيدى دەگەن تۇسىنىك بار. بۇل الەمدەگى حالىقارالىق قۋاتقا يە ەلدەر اراسىندا اقپاراتتىق سوعىستىڭ بەيرەسمي تۇردە باستالعانىن بىلدىرەدى. ماسەلەن، قازىر قىتاي اۋماعىندا Google ،Facebook ،Twitter ،Youtube ،Amazon سەكىلدى امەريكالىق پلاتفورمالاردى قولدانۋعا تىيىم سالىنعان. بۇل قىتاي ۇكىمەتىنىڭ ءوز ازاماتتارىنىڭ جەكە اقپاراتىن وزگە بىرەۋلەردىڭ باقىلاۋعا الىپ، يەمدەنىپ كەتپەۋى ءۇشىن جاساپ وتىرعانى. سەبەبى اقپارات قورىن ۇكىمەتكە قارسى پايدالانۋى ابدەن مۇمكىن دەپ قورقادى.

ەۋروپا دەرەك كوزدەرىن عارىشتا ساقتايدى

2036 -جىلعا قاراي ەۋروپا داتا ورتالىقتارىن عارىشقا جىبەرمەك. بۇل بىرىنشىدەن ەنەرگيانى ۇنەمدەيدى. ەكىنشىدەن، ەكولوگيالىق تازا جانە قاۋىپسىز. ماماندار وسىلاي دەيدى. ويتكەنى مۇنداي ينفراقۇرىلىم كوپ ەنەرگيانى قاجەت ەتەدى. حالىقارالىق ەنەرگەتيكالىق اگەنتتىكتىڭ باعالاۋى بويىنشا 2026 -جىلعا قاراي مۇنداي ورتالىقتار جىلىنا 1000 تەراۆاتت ساعاتتى تۇتىناتىن بولادى. ويتكەنى جاساندى ينتەللەكتتىڭ دامۋىمەن سۇرانىس ارتىپ كەلەدى. كەلەشەكتە ەلەكتر ەنەرگياسى تاپشىلىعىنان بۇل نىساندار دۇرىس ىستەمەي قالۋى مۇمكىن دەگەن قاۋىپ بار.

سيتاتا: ءبىز جەردەگى داتا ورتالىقتارىنا قاراعاندا تەحنيكالىق تۇرعىدان مۇمكىن، قارجىلىق جاعىنان ءتيىمدى جانە قورشاعان ورتاعا اسەرى از شەشىم تاپتىق. مۇنداي ورتالىقتار - اۋقىمدى اقپاراتتى وڭدەۋگە، مۇراعاتتاۋعا جانە تاراتۋعا ارنالعان. وندا سەرۆەرلىك، جەلىلىك جابدىقتى ساقتايتىن فيزيكالىق نىساندار بار. سوندىقتان اقپارات قاۋىپسىزدىگىن قامتاماسىز ەتۋ ماڭىزدى.

24.kz