رەسەيدىڭ ورسك قالاسىنىڭ بيلىگى ءتورت ادامنىڭ قازا تاپقانىن حابارلادى

استانا. KAZINFORM - رەسەيدەگى سۋ باسقان ورسكى قالاسىندا ءتورت ادام قازا تاپتى. الايدا ولاردىڭ ءولىمى سۋ تاسقىنى جاعدايىنا بايلانىستى ەمەس، دەپ حابارلادى ر ي ا نوۆوستي اقپارات اگەنتتىگى.

«ءتورت ادام قايتىس بولدى. ەكەۋى جۇرەك تالماسىنان، ءبىر ادام تابيعي سەبەپتەردەن قايتىس بولدى، تاعى ءبىر ادام وزىنە قول سالدى. سۋ تاسقىنى سالدارىنان بولعان ءولىم جاعدايلارى تىركەلگەن جوق»، - دەپ ءتۇسىندىردى ورسك قالاسىنىڭ اكىمدىگى.

بۇعان دەيىن وبلىس بيلىگى اگەنتتىككە ورسكىدە ەكى قارت ەر ادامنىڭ قازا تاپقانىن، ولاردىڭ دەنەلەرى ۇيلەرىنەن تابىلعانىن رەسمي تۇردە حابارلادى.

مامانداردىڭ ايتۋىنشا، زەينەتكەرلەردىڭ ءولىمى سۋدان ەمەس.

جۇما، 5-ساۋىردە قالانى جايىق وزەنىنەن قورعاپ تۇرعان بوگەت بۇزىلدى. سالدارىنان سۋ باسۋ قاۋپى بار بىرنەشە اۋىل ورنالاسقان ەسكى قالادان ادامداردى جاپپاي ەۆاكۋاتسيالاۋ باستالدى. سۋ باسقان اۋماقتان كوشىرىلگەندەرگە ارناپ، ۋاقىتشا ورنالاستىرۋ ورتالىقتارى دايىندالدى.

ەلدىڭ توتەنشە جاعدايلار مينيسترلىگى ورىنبور وبلىسىنداعى سۋ تاسقىنى جاعدايىن قيىن دەپ باعالاپ وتىر. وڭىرگە ر ف توتەنشە جاعدايلار مينيسترلىگىنىڭ باسشىسى الەكساندر كۋرەنكوۆ كەلدى.

اۆتور

زارينا تۋعانبايەۆا