رەسەيدە توبىل وزەنىنىڭ دەڭگەيى 11 مەترگە دەيىن كوتەرىلۋى مۇمكىن

استانا. KAZINFORM - رەسەي فەدەراتسياسى قورعان وبلىسىنىڭ گۋبەرناتورى ۆاديم شۋمكوۆ توبىل وزەنىندەگى سۋ دەڭگەيى 11 مەترگە دەيىن كوتەرىلۋى مۇمكىن ەكەنىن ايتتى، دەپ حابارلادى ت ا س س.

ءبىر تۇندە قورعانداعى باقىلاۋ- ولشەۋ ستانساسىنداعى توبىل وزەنىنىڭ سۋ دەڭگەيى 24 س م- گە ارتىپ، 970 س م- گە جەتتى، دەپ حابارلادى جەرگىلىكتى بيلىك.

ر ف قورعان وبلىسى توبىل وزەنىندەگى سۋدىڭ كوتەرىلۋىنە بايلانىستى 669 تۇرعىن ءۇي مەن 2376 ساياجايدى سۋ باسىپ، 25 ەلدى مەكەن ەلەكتر قۋاتىنسىز قالدى. بيلىك توبىل ماڭىنداعى بارلىق ەلدى مەكەندەردىڭ تۇرعىندارىن، سونىڭ ىشىندە وبلىستىڭ اكىمشىلىك ورتالىعى قورعان قالاسىن دا كوشىرۋگە شاقىردى.

وبلىس گۋبەرناتورى ۆاديم شۋمكوۆ ايماقتا «قيىن جاعداي» بولجاناتىنىن اتاپ ءوتتى.

بۇعان دەيىن حابارلاعانىمىزداي، ەسىل وزەنىندەگى سۋ دەڭگەيىنىڭ قارقىندى كوتەرىلۋىنە بايلانىستى رەسەيدىڭ تۇمەن وبلىسىندا دا كۇردەلى جاعداي قالىپتاستى.

اۆتور

ەركەجان سماعۇلوۆا