رەسەي «تاليباندى» لاڭكەستىك ۇيىمدار تىزىمىنەن شىعارۋ ماسەلەسىن قاراستىرىپ جاتىر

استانا. KAZINFORM - رەسەيدىڭ بەيىندى ۆەدومستۆولارى «تاليباندى» لاڭكەستىك ۇيىمدار تىزىمىنەن شىعارۋ ماسەلەسىن قاراستىرىپ جاتىر. بۇل تۋرالى رەسەي سىرتقى ىستەر مينيسترلىگىنەن مالىمدەدى، دەپ حابارلايدى «يزۆەستيا» باسىلىمى.

«تالىپتەر قوزعالىسىنان لاڭكەستىك ۇيىم مارتەبەسىن الىپ تاستاۋعا كەلەتىن بولساق، بۇل ماسەلەنى رەسەيدىڭ سىرتقى ىستەر، ادىلەت مينيسترلىكتەرى جانە باسقا دا ءتيىستى ۆەدومستۆولار زەرتتەپ جاتىر»، - دەپ حابارلادى ر ف س ءى م.

اتاپ وتىلگەندەي، سوڭعى شەشىمدى ەل باسشىلىعى قابىلدايدى.

ب ۇ ۇ قاۋىپسىزدىك كەڭەسى 2003 -جىلى تالىپتەر قوزعالىسىن تەرروريستىك ۇيىمدار تىزىمىنە ەنگىزگەن. سول جىلى رەسەي جوعارعى سوتى «تاليبان» قوزعالىسىن تەرروريستىك ۇيىم دەپ تانىدى.

2021 -جىلدىڭ مامىر ايىندا ەلدە 2001 -جىلدان بەرى بولعان امەريكالىق اسكەرلەر اۋعانستاننان شىعارىلعاننان كەيىن قوزعالىس مۇشەلەرى ەلدىڭ ءىرى قالالارىنا شابۋىل جاساپ، 15-تامىزدا كابۋلعا كىرىپ، سوعىستىڭ اياقتالعانىن، ال 7 -قىركۇيەكتە ۋاقىتشا ۇكىمەتتىڭ قۇرامىن جاريالادى.

ەسكە سالا كەتسەك، وتكەن جىلدىڭ جەلتوقسان ايىندا قازاقستان بيلىگى «تاليبان» قوزعالىسىن تىيىم سالىنعان ۇيىمدار تىزىمىنەن شىعارۋ تۋرالى شەشىم قابىلداعان بولاتىن.

اۆتور

زارينا تۋعانبايەۆا