رەسەي مەن ۋكراينا التى ايدان بەرى العاش رەت تۇتقىن الماستى

رەسەي مەن ۋكراينا سوڭعى التى ايدا العاش رەت تۇتقىن الماستى. ماسكەۋدەن حابارلاعانداي، ۋكرايناداعى اسكەري ءىس- ارەكەتكە قاتىسقان 248 رەسەيلىك ەلگە ورالدى. ال كيەۆ 230 ادام، ونىڭ ىشىندە التى بەيبىت تۇرعىننىڭ ەلگە ورالعانىن راستادى.

Kazinform بۇل تۋرالى Euronews-كە سىلتەمە جاساپ حابارلايدى.

ۋكراينا دەرەككوزدەرىنىڭ حابارلاۋىنشا، بوساتىلعاندار اراسىندا ماريۋپول، «ازوۆستال» جانە «زمەينىي» ارالدارىنىڭ قورعاۋشىلارى بار.

جوعارعى رادانىڭ ادام قۇقىقتارى جونىندەگى ۋاكىلى دميتري لۋبينەتستىڭ ناقتىلاۋىنشا، بۇل تاراپتار اراسىنداعى 49- الماسۋ بولدى.

اسكەري تۇتقىنداردى ۇيلەستىرۋ شتابىنىڭ مالىمەتىنشە، بۇل «قايتارىلعان قورعاۋشىلار سانى بويىنشا ەڭ ۇلكەن الماسۋ».

وپەراتسيانىڭ ب ا ءا دەلدالدىعىمەن جۇرگىزىلگەنى حابارلاندى.

كيەۆتىڭ رەسمي مالىمەتىنە سايكەس، 2023 -جىلدىڭ اياعىندا رەسەي تۇتقىنىندا 4337 ادام بولعان، ونىڭ 763- ءى - بەيبىت تۇرعىندار.

ماسكەۋ بىلتىر كۇزدە ۋكراينا تۇتقىنىندا 500 رەسەيلىك بار ەكەنىن مالىمدەگەن.

اۆتور

زارينا تۋعانبايەۆا