رەسەي استاناسىنداعى مەيرامحانا استىنان 10 نان استام ادامنىڭ باسسۇيەگى تابىلدى
رەسەي استاناسى ماسكەۋ قالاسىنىڭ باتىسىنداعى 1- سەتۋن جولىنىڭ بويىندا جۇرگىزىلگەن قۇرىلىس جۇمىستارى بارىسىندا 10 نان استام ادامنىڭ قاڭقاسىنىڭ بولىكتەرى تابىلدى.
بۇل تۋرالى Kazinform رەسەيلىك تاسس اگەنتتىگىنە سىلتەمە جاساپ حابارلايدى.
«1-سەتۋن جولىنىڭ بويىندا جۇرگىزىلگەن جولاستى قۇرىلىمدارىن بۇزۋمەن بايلانىستى قۇرىلىس جۇمىستارى بارىسىندا بۇرىن مەيرامحانا بولعان جەردەن 10 نان استام ادامنىڭ دەنەسىنىڭ بولىكتەرى تابىلدى»، - دەدى اگەنتتىكتىڭ دەرەككوزى.
ماسكەۋ پروكۋراتۋراسىنىڭ مالىمەتتەرى بويىنشا، 10 ادامنىڭ باسسۇيەگى مەن 10 نان كەم ەمەس باسسۇيەك فراگمەنتتەرى 3,5 مەتر تەرەڭدىكتەن تابىلدى.
«الدىن الا مالىمەتتەر بويىنشا، دەنە بولىكتەرىنىڭ جاتقانىنا شامامەن 20-30 جىل بولعان»، - دەلىنگەن قاداعالاۋ ۆەدومستۆوسىنىڭ باسپا ءسوز قىزمەتى تاراتقان اقپاراتتا.
تەرگەۋشىلەر تەكسەرىپ جاتىر. پروتسەسسۋالدىق تەكسەرۋدىڭ جۇرگىزىلۋ بارىسى مەن ناتيجەلەرى نيكۋلين اۋدانارالىق پروكۋراتۋراسىنىڭ باقىلاۋىندا.
اۆتور
ايدار وسپاناليەۆ
