ەرسايىن ناعاسپايەۆ ونەركاسىپ جانە قۇرىلىس ءمينيسترى بولىپ تاعايىندالدى

استانا. KAZINFORM - مەملەكەت باسشىسىنىڭ جارلىعىمەن ەرسايىن ناعاسپايەۆ ونەركاسىپ جانە قۇرىلىس ءمينيسترى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتى حابارلادى.

- مەملەكەت باسشىسىنىڭ جارلىعىمەن ەرسايىن قايىرعازى ۇلى ناعاسپايەۆ قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى لاۋازىمىنا تاعايىندالدى، - دەپ جازىلعان حابارلامادا.

ەرسايىن ناعاسپايەۆ جوعارى ءبىلىمدى، بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «حالىقارالىق ەكونوميكالىق قاتىناستار» ماماندىعى بويىنشا ءتامامداعان.

2001 -جىلدان بەرى مەملەكەتتىك قىزمەتتە، ەڭبەك جولىن تەمىرتاۋ قالاسى اكىمىنىڭ اپپاراتىندا باستادى. ق ر سىرتقى ىستەر، كولىك جانە كوممۋنيكاتسيا مينيسترلىكتەرىندە ءتۇرلى قىزمەتتەردى اتقاردى. ۆيتسە-پرەمەردىڭ كەڭەسشىسى بولدى. «اقتاۋ حالىقارالىق پورتى» ر م ك- دا جۇمىس ىستەدى، قاراعاندى قالاسى قازىبەك بي اتىنداعى اۋدان اكىمىنىڭ ورىنباسارى، قاراعاندى وبلىسى اكىمىنىڭ كەڭەسشىسى بولدى.

بۇرىنعى ونەركاسىپ جانە قۇرىلىس ءمينيسترى قانات شارلاپايەۆ پرەزيدەنتتىڭ ەكونوميكالىق ماسەلەلەر جونىندەگى كومەكشىسى بولىپ تاعايىندالعانىن جازعان بولاتىنبىز.

اۆتور

ەلميرا ورالبايەۆا