پرەمەر-مينيستر ولجاس بەكتەنوۆ جۇمىس ساپارىمەن رەسەي جانە وزبەكستانعا بارادى
استانا. KAZINFORM - ناۋرىز ايىندا قازاقستان رەسپۋبليكاسى ۇكىمەتىنىڭ باسشىسى ولجاس بەكتەنوۆتىڭ رەسەي فەدەراتسياسى مەن وزبەكستان رەسپۋبليكاسىنا جۇمىس ساپارى جوسپارلانعان. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.
ماسكەۋدە رەسەي فەدەراتسياسى ۇكىمەتىنىڭ ءتوراعاسى ميحايل ميشۋستينمەن شاعىن جانە كەڭەيتىلگەن قۇرامدا كەلىسسوزدەر وتەدى. تاراپتار ەكى مەملەكەت باسشىلارى دەڭگەيىندە قول جەتكىزىلگەن ۋاعدالاستىقتاردى ىسكە اسىرۋ بارىسىن، سونداي- اق ءوزارا ءتيىمدى ساۋدا-ەكونوميكالىق جانە گۋمانيتارلىق ىنتىماقتاستىقتى ودان ءارى دامىتۋ شارالارىن تالقىلايدى.
تاشكەنتتە ولجاس بەكتەنوۆ وزبەكستان پرەمەر-ءمينيسترى ابدۋللا اريپوۆپەن كەلىسسوز جۇرگىزىپ، ساۋدا-ينۆەستيتسيالىق ىنتىماقتاستىقتى ارتتىرۋ، ونەركاسىپ، ەنەرگەتيكا، اۋىل شارۋاشىلىعى جانە كولىك-لوگيستيكا سالالارىندا كووپەراتسيانى دامىتۋ پەرسپەكتيۆالارىن تالقىلاماق.
اۆتور
ەلميرا ورالبايەۆا
