پرەمەر-مينيستر پرەزيدەنتكە اقتاۋ ماڭىندا بولعان ۇشاق اپاتىنا بايلانىستى جاعداي تۋرالى باياندادى
استانا. KAZINFORM - مەملەكەت باسشىسىنا ۇكىمەتتىك كوميسسيانىڭ اقتاۋ قالاسى اۋەجايىنىڭ ماڭىندا بولعان Аz Airlines اۋە كومپانياسىنىڭ Embraer 190 ۇشاعىنىڭ اپاتقا ۇشىراۋ سەبەپتەرىن تەكسەرۋ جانە زارداپ شەككەندەرگە كومەك كورسەتۋ جونىندە جۇرگىزىپ جاتقان جۇمىسى تۋرالى باياندالدى.
ق ر ۇكىمەتى باسپا ءسوز قىزمەتىنىڭ مالىمەتىنشە، وقيعا ورنىندا زارداپ شەككەندەرگە تولىق قولداۋ كورسەتۋ ءۇشىن شارالار قابىلداندى.
توتەنشە جاعدايلار قىزمەتى 430-دان استام قىزمەتكەر مەن 80-گە جۋىق تەحنيكا جۇمىلدىردى. 29 ادام اۋرۋحاناعا جاتقىزىلدى. زارداپ شەككەندەرگە قاجەتتى مەديتسينالىق، پسيحولوگيالىق جانە باسقا دا كومەك كورسەتىلىپ جاتىر.
اپاتتىق-قۇتقارۋ جۇمىستارى جالعاسىپ جاتىر. ازەربايجان ۇكىمەتىمەن بىرلەسىپ شەتەل ازاماتتارى مەن قازا تاپقان جولاۋشىلاردىڭ وتباسىلارىنا قاجەتتى كومەك كورسەتىلىپ جاتىر. پرەزيدەنت زارداپ شەككەن ازاماتتارعا كومەك كورسەتۋ جۇمىسىن ەرەكشە باقىلاۋدا ۇستاۋدى جانە كورشىلەس ەلدەردىڭ ۇكىمەتتەرىنە قاجەتتى جاردەم كورسەتۋدى تاپسىردى.
بۇعان دەيىن اقتاۋداعى ۇشاق اپاتىنىڭ حرونولوگياسىن ۇسىنعان ەدىك.
ماڭعىستاۋ وبلىسىنىڭ دەنساۋلىق ساقتاۋ باسقارماسى اقتاۋ ماڭىنداعى ۇشاق اپاتى بولعان جەردەن 4 ادامنىڭ دەنەسى تابىلدى.
مەملەكەت باسشىسى قاسىم-جومارت توقايەۆ ازەربايجان پرەزيدەنتى يلحام اليەۆكە كوڭىل ايتتى.
ەلميرا ورالبايەۆا
اۆتور
