پرەمەر-مينيستر لاۋازىمىنا «امانات» پارتياسى ولجاس بەكتەنوۆتى ۇسىندى

استانا. قازاقپارات - مەملەكەت باسشىسىنا «Amanat» پارتياسىنىڭ اتىنان پرەمەر-ءمينيستردىڭ كانديداتۋراسى ۇسىنىلدى. بۇل تۋرالى اقوردانىڭ باسپا ءسوز قىزمەتى حابارلادى.

پرەزيدەنت قاسىم-جومارت توقايەۆقا پارلامەنت ءماجىلىسىنىڭ جانە «Amanat» پارتياسىنىڭ ءتوراعاسى ەرلان قوشانوۆ پرەمەر-مينيستر قىزمەتىنە ولجاس بەكتەنوۆتىڭ كانديداتۋراسىن ۇسىندى. قولدانىستاعى زاڭناماعا سايكەس، مەملەكەت باسشىسى ۇسىنىلعان كانديداتۋرانى ماجىلىستەگى پارتيالاردىڭ فراكسيالارىمەن جۋىق ارادا تالقىلايدى.

ولجاس اباي ۇلى بەكتەنوۆ 1980-جىلى 13-جەلتوقساندا الماتى قالاسىندا تۋعان.

قازاق مەملەكەتتىك زاڭ اكادەمياسىن (2001 ج.) ۇزدىك بىتىرگەن، ماماندىعى «زاڭگەر».

Ⅱ دارەجەلى «ايبىن» (2014 ج.) جانە «داڭق» (2021 ج.) وردەندەرىمەن ناگرادتالعان.

2002-2005-جىلدارى الماتى قالاسى ادىلەت باسقارماسى ءبولىمىنىڭ باس مامانى.

2005-2006-جىلدارى ق ر پرەمەر-ءمينيسترى كەڭسەسىنىڭ زاڭ ءبولىمىنىڭ ساراپشىسى، باس ساراپشىسى.

2006-2009-جىلدارى ق ر پرەزيدەنتى اكىمشىلىگىندە جۇمىس جاسادى.

2009-2012-جىلدارى ق ر ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى ءتوراعاسىنىڭ ورىنباسارى.

2012-2014-جىلدارى ق ر ەكونوميكالىق قىلمىسقا جانە سىبايلاس جەمقورلىققا قارسى اگەنتتىگىنىڭ (قارجى پوليتسياسى) ورتالىق اپپاراتىندا دەپارتامەنت باستىعى.

2015-2016-جىلدارى استانا قالاسى اكىمىنىڭ اپپارات باسشىسى، ق ر پرەزيدەنتى اكىمشىلىگى باسشىسى حاتشىلىعىنىڭ مەڭگەرۋشىسى.

2016-2017-جىلدارى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) استانا قالاسى بويىنشا دەپارتامەنتىنىڭ باسشىسى.

2017-2018-جىلدارى اقمولا وبلىسى اكىمىنىڭ ورىنباسارى.

2018-2019-جىلدارى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى.

2019-2022-جىلدارى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى.

2022 -جىلدىڭ اقپانىنان باستاپ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قىزمەتىن اتقاردى.

2023-جىلعى 3-ساۋىردە قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى.

Ⅱ دارەجەلى «ايبىن» (2014) جانە «داڭق» (2021) وردەندەرىمەن ناگرادتالعان.

اۆتور

ەربول جانات