پرەمەر- مينيستر «التىن ساپا» جانە «پارىز» لاۋرەاتتارىن ماراپاتتادى
بۇگىن ەلوردادا پرەمەر-مينيستر ءاليحان سمايىلوۆ «التىن ساپا» جانە «پارىز» لاۋرەاتتارىن ماراپاتتادى، دەپ حابارلايدى Kazinform.
اتاپ ايتقاندا، ۇكىمەت باسشىسى «وندىرىستىك ماقساتتاعى ۇزدىك كاسىپورىن» اتالىمىنداعى ءۇش كومپانياعا سىيلىقتى تابىستادى.
وسى نوميناتسيادا «كاز ازوت» ا ق (ماڭعىستاۋ وبلىسى)، «مەديدەز» ج ش س (قوستاناي وبلىسى)، «Med365» كومپانياسى (الماتى) جۇلدەگەر اتاندى.
مۇنىمەن قوسا پرەمەر-مينيستر «پارىز» بايقاۋى اياسىندا شاعىن جانە ورتا كاسىپكەرلىك سۋبەكتىلەر اراسىندا «جىلدىڭ ۇزدىك الەۋمەتتىك جوباسى» ارنايى سىيلىعىن يەلەنگەن پاۆلودار وبلىسىنداعى «گاليتسكوە» كومپانياسىن ماراپاتتادى.
ال ءىرى كاسىپكەرلىك سۋبەكتىلەرى ساناتىندا «جىلدىڭ ۇزدىك الەۋمەتتىك جوباسى» بويىنشا «قازمىرىش» كومپانياسى «پارىز» بايقاۋىنىڭ ارنايى جۇلدەسىن الدى.
اۆتور
مارلان جيەمباي
