16:33, 25 - قىركۇيەك 2024 | GMT +6
گەرمانيا قازاقستاننان مۇناي ەكسپورتىن ەكى ەسە ارتتىرۋدى سۇراپ وتىر - ەنەرگەتيكا ءمينيسترى
الماتى. KAZINFORM - گەرمانيا قازاقستاننان جەتكىزىلەتىن مۇناي كولەمىن ارتتىرۋدى سۇراپ وتىر. بۇل تۋرالى 29- قازاقستاندىق حالىقارالىق «مۇناي جانە گاز» كورمە مەن كونفەرەنسياسى بارىسىندا ەنەرگەتيكا ءمينيسترى الماسادام ساتقاليەۆ ايتتى.
«قازاقستان جىل سوڭىنا دەيىن گەرمانياعا 1,2 ميلليون توننا مۇناي ەكسپورتتايدى. گەرمانيا تاراپىنان مۇنايدىڭ جالپى كولەمىن 2,5 ميلليون تونناعا دەيىن ارتتىرۋ تۋرالى ءوتىنىش ءتۇستى»، - دەدى الماسادام ساتقاليەۆ.
وسىعان دەيىن مەملەكەت باسشىسى ورتالىق ازيا مەملەكەتتەرى باسشىلارى مەن گەرمانيا فەدەرالدىق كانسلەرىنىڭ كەزدەسۋى بارىسىندا قازاقستان نەمىس نارىعىنا مۇناي ەكسپورتىن ارتتىرۋعا ءازىر ەكەنىن جەتكىزگەن بولاتىن.
اۆتور
الما مۇقانوۆا
