ەرلان قارين پرەزيدەنتتىڭ بۇگىنگى سوزىندە ايتىلعان يدەولوگيالىق باسىمدىقتاردى اتاپ كورسەتتى

кеңесші
Фото: из открытых источников

قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين مەملەكەت باسشىسىنىڭ رەسپۋبليكا كۇنىنە ارنالعان بۇگىنگى سوزىندە ايتىلعان يدەولوگيالىق باسىمدىقتاردى اتاپ كورسەتتى، دەپ حابارلايدى Kazinform.

"مەملەكەت باسشىسىنىڭ رەسپۋبليكا كۇنىنە ارنالعان بۇگىنگى سوزىندە ىشكى جانە سىرتقى ساياساتقا، الەۋمەتتىك- ەكونوميكالىق ساياساتقا جانە ايماقتاردى دامىتۋعا قاتىستى تۇشىمدى وي- پىكىر ايتىلدى" دەي كەلە، ەرلان قارين پرەزيدەنت باسا ءمان بەرگەن وتە ماڭىزدى 5 يدەولوگيالىق باسىمدىقتى اتاپ كورسەتتى:

  1. ءبىز جالپىۇلتتىق باستى قۇندىلىعىمىز - تاۋەلسىزدىكتى قاستەرلەپ، قورعاۋىمىز كەرەك. سول ءۇشىن ساليقالى سىرتقى ساياسات جۇرگىزىپ، ەلىمىزدەگى بەيبىتشىلىك پەن كەلىسىمدى ساقتايمىز.
  2. قوعامدا راديكاليزمنىڭ، ەكسترەميزمنىڭ، قۇقىقتىق نيگيليزمنىڭ جانە تۇرمىستىق ۆانداليزمنىڭ كەز كەلگەن كورىنىسىنە مۇلدەم توزبەۋشىلىك ۇستەمدىك قۇرۋعا ءتيىس. ەلدەگى تۇراقتىلىق پەن بەرەكە- بىرلىك - ەگەمەندىك مەن مەملەكەتتىلىكتى ساقتاۋدىڭ ماڭىزدى العىشارتى.
  3. سوڭعى جىلدارى ىسكە اسىرىلعان وزگەرىستەردەن كەيىن وتكەنگە ەندى قايتا ورالمايمىز. رەفورمالار حالىقتىڭ ساياسي سانا- سەزىمىن ەداۋىر وزگەرتتى. جۇرتىمىز مەملەكەتتى باسقارۋدىڭ بۇرىنعى ءتاسىلىن قايتارۋعا جول بەرمەيدى.
  4. بۇگىنگى جاستار - قازاقستاننىڭ كەلەشەكتەگى كەلبەتى. ەلىمىزدى دامىتۋ جولىندا جاس ۇرپاقتىڭ جاسامپاز قۋاتى ماڭىزدى ءرول اتقارادى. سوندىقتان مەملەكەت باسشىسى ءوز سوزىندە جاستارعا ارنايى ۇندەۋ جولدادى.
  5. ادال ەڭبەك پەن جاۋاپكەرشىلىك يگى ىستەردىڭ ۇيىتقىسى بولۋعا ءتيىس. قوعامدا ەڭبەك ادامىنا ەرەكشە قۇرمەت كورسەتىلۋى كەرەك. بيىل 298 مۇعالىم مەن دارىگەردىڭ، 259 اۋىل ەڭبەككەرلەرىنىڭ، 119 ەڭبەك ارداگەرلەرىنىڭ، 88 ءوندىرىس سالاسى قىزمەتكەرلەرىنىڭ مەملەكەتتىك ناگرادالارمەن ماراپاتتالۋى كەزدەيسوقتىق ەمەس.

مەملەكەتتىك ساياساتتىڭ مازمۇنى مەن ىشكى ماقسات- مىندەتتەرى وسىنداي مىزعىماس قۇندىلىقتارعا نەگىزدەلەدى.

اۆتور

ەربول جانات

سوڭعى جاڭالىقتار