ەرلان قارين مەملەكەتتىك جانە ۆەدومستۆولىق ناگرادالاردىڭ ءبىرىڭعاي جۇيەسىن رەتكە كەلتىرۋدى تاپسىردى

Қарин
Фото: Ақорда

استانا. KAZINFORM - ەرلان قارين مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيانىڭ وتىرىسىن وتكىزدى، دەپ حابارلايدى اقوردانىڭ باسپا ءسوز قىزمەتى.

قازاقستان رەسپۋبليكاسى مەملەكەتتىك كەڭەسشىسى ەرلان قاريننىڭ توراعالىعىمەن مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيانىڭ وتىرىسى ءوتتى.

كوميسسيا وتىرىسىندا مادەنيەت جانە اقپارات مينيسترلىگىنىڭ، سونداي-اق اقتوبە وبلىسى اكىمىنىڭ ەسەبى تىڭدالدى. ەرلان قارين مەملەكەتتىك رامىزدەردى قولدانۋعا جانە پايدالانۋعا قاتىستى ءبىرقاتار وزەكتى ماسەلەلەردى اتاپ ءوتتى. سونداي-اق وسى باعىتتاعى جۇمىستى جەتىلدىرۋ بويىنشا ناقتى تاپسىرمالار بەردى.

جيىن بارىسىندا وڭىرلەردە مەملەكەتتىك رامىزدەردى پايدالانۋ باعىتىنداعى باقىلاۋدى كۇشەيتۋ جانە جۇمىستىڭ تيىمدىلىگىن ارتتىرۋ ۇسىنىلدى. سونىمەن قاتار بەكىتىلگەن ستاندارتتاردىڭ ساقتالۋىن قامتاماسىز ەتۋ ماقساتىندا ۋاكىلەتتى ورگاندارعا مەملەكەتتىك رامىزدەردى دايىندايتىن مەكەمەلەرمەن جۇمىس اتقارۋ ۇسىنىلدى.

وتىرىستىڭ قورىتىندىسى بويىنشا ەرلان قارين مەملەكەتتىك ورگاندارعا زاڭنامالىق بازانى جەتىلدىرۋ، مەملەكەتتىك جانە ۆەدومستۆولىق ناگرادالاردىڭ ءبىرىڭعاي جۇيەسىن رەتكە كەلتىرۋ ءۇشىن بىرلەسكەن جۇمىستاردى ءوزارا ۇيلەستىرۋدى تاپسىردى.

اۆتور

ەلميرا ورالبايەۆا

سوڭعى جاڭالىقتار