ەرلان قارين مەملەكەت باسشىسى بەرگەن سۇحباتتىڭ ماڭىزدى تۇستارىن اتادى
مەملەكەتتىك كەڭەسشى ەرلان قارين مەملەكەت باسشىسىنىڭ «Ana tili» گازەتىنە بەرگەن سۇقباتىندا كوتەرىلگەن ماڭىزدى ماسەلەلەردى اتادى.
ەرلان قاريننىڭ ايتۋىنشا، مەملەكەت باسشىسى«Ana tili» گازەتىنە بەرگەن سۇحباتىندا 2024 -جىلدى قورىتىندىلاپ قانا قويماي، ءبىرىڭعاي ۋاقىت بەلدەۋى، اتوم ەلەكتر ستانساسى، دوللار باعامى، تالعار وقيعاسى، كەزەكتەن تىس سايلاۋ وتكىزۋ ىقتيمالدىعى جانە باسقا دا قوعامدا قىزۋ تالقىلانعان كوكەيكەستى ماسەلەلەرگە قاتىستى پىكىر بىلدىرگەن.
- جىل باسىندا اشىق ءارى مازمۇندى سۇحبات بەرۋ جاڭا ساياسي داستۇرگە اينالىپ كەلەدى. بۇل سۇحباتتاعى نەگىزگى وي- تۇجىرىم — ەلىمىزدە اۋقىمدى ءارى جان- جاقتى رەفورمالار جالعاسىن تابادى، الدا اتقارىلاتىن جۇمىس كوپ، سىن- قاتەرگە تولى كەزەڭدە كۇش- جىگەرىمىزدى بىرىكتىرىپ، قوعامنىڭ بەرەكە- بىرلىگىن ساقتاي ءبىلۋ كەرەك، - دەدى ول.
مەملەكەتتىك كەڭەسشىنىڭ ايتۋىنشا، جالپى، سۇحباتتا ىشكى ساياساتتىڭ 2025 -جىلعا ارنالعان كۇن ءتارتىبى انىقتالعان.
- مۇنداي ءتاسىل مەملەكەتتىك ورگاندار ءۇشىن دە، قوعام ءۇشىن دە ءتيىمدى، سەبەبى مەملەكەت ساياساتىنىڭ ماقساتتارىن تەرەڭ تۇسىنۋگە سەپتىگىن تيگىزەدى. بيلىكتىڭ ەلىمىزدى ودان ءارى دامىتۋعا قاتىستى ۇستانىمىن كورسەتەدى، - دەدى ەرلان قارين.
ەسكە سالا كەتەيىك، بۇعان دەيىن قارين ەسىرتكى تاسىمالداۋشى جاستاردىڭ جازاسىن جەڭىلدەتۋگە قاتىستى پىكىر بىلدىرگەن بولاتىن.
