گرەكياداعى ءورت: ۇستالعانداردىڭ اراسىندا قازاقستاندىقتار جوق – ق ر س ءى م
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ بولعان جايتقا قاتىستى رەسمي مالىمدەمە جاسادى.
«قازاقستاننىڭ كونسۋلى بۇل اقپارات جاريالانعاننان كەيىن وسى ىسكە قاتىستى بىردەن گرەكيا بيلىگىنە حابارلاستى. پوليتسيانىڭ مالىمەتىنە سايكەس، ۇستالعاندار اراسىندا قازاقستان ازاماتتارى جوق جانە ولارعا ەشقانداي دا تالاپتار قويىلماعان»، - دەگەن اقپاراتپەن ءبولىستى ايبەك سمادياروۆ.
ايتا كەتسەك، بۇعان دەيىن شەتەلدىك ب ا ق گرەكيانىڭ گيدرا ارالىندا ياحتادا دەمالعان قازاقستاندىق تۋريستەر ءورتتىڭ شىعۋىنا سەبەپ بولدى دەگەن اقپار تارادى. اقپاراتتا ايتىلعانداي، ءورت ورمانعا دەيىن جەتكەن.
ەسكە سالا كەتەيىك، بۇعان دەيىن بىرنەشە گرەكيالىق ب ا ق سوت قۇجاتتارىنا سىلتەمە جاساپ، ياحتادا گرەكيادان كەتىپ قالعان 17 قازاقستاندىق ازامات بولعانى تۋرالى حابار تاراتقانى تۋرالى جازعان بولاتىنبىز.
اۆتور
داۋلەت ىزتىلەۋ
