ءبىر وتار قوي 100 كەلى ماريحۋانا جەپ قويدى

بيىل جازدا گرەكيادا بولعان اپتاپ ىستىق، ورمان ورتتەرى مەن سۋ تاسقىنى وڭىرلەردەگى اۋىلشارۋاشىلىق القاپتارىن جويدى، دەپ حابارلايدى قازاقپارات اگەنتتىگى Sky News باسىلىمىنا سىلتەمە جاساپ.

گرەكيانىڭ ورتالىق بولىگىندەگى سۋ باسقان جازىقتاردا جايىلىپ جۇرگەن ءبىر وتار قوي الميروس قالاسىنا جاقىن ماڭداعى مەديتسينالىق ماقساتتا ماريحۋانا وسىرەتىن جىلىجايعا كىرىپ كەتكەن. قويلار ءونىمنىڭ كوپ بولىگىن، شامامەن 100 كەلى ماريحۋانا جەپ قويعان.

مالشىنىڭ سوزىنشە، ول قويلاردىڭ ءبىرتۇرلى ارەكەتىن بايقاعان، ءبىراق سەبەبىن تۇسىنە الماپتى.

جىلىجاي يەسى ءونىم ونسىز دا ىستىق پەن دەنيەل داۋىلىنان زارداپ شەككەنىن، ال قويلار سودان قالعاندى جەپ كەتكەنىن ايتتى.

ول مۇنداي جاعدايدا نە ىستەۋ كەرەگىن، كۇلەرىمدى نە جىلارىمدى بىلمەيمىن، دەيدى.

رەسمي تۇلعالاردىڭ سوزىنشە، دەنيەل داۋىلىنان بولعان سۋ تاسقىنى سالدارىنان 100 مىڭنان استام جانۋار مەن مال مەرت بولعان. اۋىلشارۋاشىلىق ونىمدەرى دە ايتارلىقتاي زارداپ شەكتى.

اۆتور

بالنۇر قوجاگەلدى