ەرەكشە فورماتتاعى 100 شاقىرىمدىق بايگە وتەدى
استانا. قازاقپارات - قوستانايدا 100 شاقىرىمدىق بايگە وتەدى. الداعى سەنبى كۇنى سولتۇستىك وڭىردە ەرەكشە فورماتتاعى ات جارىسى ۇيىمداستىرىلماق. حالىقارالىق تۋرنيرگە قازاقستان، ماجارستان، ۇلى بريتانيا، سيريا جانە مالايزيا ەلىنىڭ سايگۇلىكتەرى قاتىسادى.
جارىس Endurance دەپ اتالاتىن ارنايى تالاپتارعا سايكەس وتەدى. وسى ارقىلى ەلىمىزدەگى بايگەنىڭ دەڭگەيىن كوتەرىپ، باسەكەلەستىكتى ارتتىرىپ، بۇعان قوسا قازاقستاندىق شاباندوزدار مەن تۇلپارلاردىڭ تاجىريبەسىن تولىستىرۋ كوزدەلىپ وتىر. سونىمەن قاتار ايماقتىڭ تۋريستىك الەۋەتتىن ارتتىرۋعا جانە ەلىمىزدىڭ ات سپورتىنداعى پوتەنسيالىن الەمگە تانىتۋ دا ۇلەس قوسارىنا سەنىمدى ماماندار. بايگەنىڭ ءوزى 17- قازاندا قوستاناي ىرگەسىندەگى اتشاباردا بولادى.
