پەرۋدە اكۋلانىڭ «اتاسى» تابىلدى

استانا. KAZINFORM – پەرۋدە ۇلكەن اق اكۋلانىڭ اتاسى تابىلدى. وعان 9 ميلليون جىل بولعان. الىپ بالىق تىنىق مۇحيتىنىڭ وڭتۇستىگىندەگى سۋلاردى مەكەندەگەن، مايشاباق تۇقىمداس كىشكەنتاي ساردينالاردى جەگەندى ۇناتقان.

акула
Фото: freepik

ساردينا قالدىقتارى ەجەلگى اكۋلانىڭ اسقازانىندا بۇگىنگە دەيىن ساقتالعان ەكەن. مۇنى جەرگىلىكتى پالەونتولوگتار انىقتاپ وتىر. مامانداردىڭ ايتۋىنشا بۇل ءتۇر قازىر جويىلعان. ءبىراق ولاردىڭ جالعاسى ۇلكەن اق اكۋلالار ءالى دە بار. تابىلعان ەجەلگى بالىقتىڭ ۇزىندىعى 7 مەترگە دەيىن جەتكەن. ال تىستەرى 9 س م- گە جۋىق.

نەگىزى پەرۋدە ەجەلگى سۋ جانۋارلارى كوپ تابىلادى. عالىمدار وتكەن جىلدىڭ قاراشاسىندا 10 ميلليون جىل بۇرىن تىرشىلىك ەتكەن قولتىراۋىندى، ال بىلتىر ساۋىردە 16 ميلليون جىل بۇرىنعى دەلفيننىڭ قاڭقاسىن كورسەتكەن.

سوڭعى جاڭالىقتار