ەۋرازيا تەحنولوگيالىق ۋنيۆەرسيتەتى تالاپكەرلەرگە قوسىمشا 200 ءبىلىم گرانتىن بولمەكشى
استانا. KAZINFORM - ەۋرازيا تەحنولوگيالىق ۋنيۆەرسيتەتى وقۋدا جوعارى جەتىستىكتەردى كورسەتكەن تالانتتى تالاپكەرلەر ءۇشىن 200 ءبىلىم بەرۋ گرانتىن بەرۋ باعدارلاماسىنىڭ ىسكە قوسىلعانى تۋرالى قۋانا حابارلادى.
بۇل باستاما كەلەسى پاندەر بويىنشا ۇلتتىق ءبىرىڭعاي تەستىلەۋدە (ۇ ب ت) كەمىندە 100 بال جيناعان ستۋدەنتتەردى قولداۋعا باعىتتالعان:
• گەوگرافيا جانە ماتەماتيكا
• گەوگرافيا جانە اعىلشىن ءتىلى
* ينفورماتيكا جانە ماتەماتيكا
* دۇنيەجۇزىلىك تاريح جانە قۇقىق نەگىزدەرى
* ءسان جانە ديزاين باعىتىنداعى شىعارماشىلىق ەمتيحاندار
وسى باعدارلاما اياسىندا ەۋرازيا تەحنولوگيالىق ۋنيۆەرسيتەتى ۇزدىك ستۋدەنتتەردى ىنتالاندىرۋعا جانە ولارعا ءوڭىردىڭ جەتەكشى جوعارى وقۋ ورىندارىنىڭ بىرىندە ساپالى ءبىلىم الۋعا مۇمكىندىك بەرۋگە ۇمتىلادى.
ءبىلىم بەرۋ گرانتتارىنان باسقا، ۋنيۆەرسيتەت نەگىزگى ۇ ب ت- دا 70 بالدان جيناعان تالاپكەرلەر ءۇشىن %50 - عا دەيىن جەڭىلدىكتەر ۇسىنادى، - دەلىنگەن حابارلامادا.
