گەرمانيادا رەسمي ساپارمەن جۇرگەن پرەزيدەنت ميۋنحەن قالاسىنا باردى
استانا. KAZINFORM - مەملەكەت باسشىسىنىڭ گەرمانياعا رەسمي ساپارى ميۋنحەن قالاسىندا جالعاسادى، دەپ حابارلايدى اقوردانىڭ باسپا ءسوز قىزمەتى.
بۇگىن پرەزيدەنت قاسىم-جومارت توقايەۆ باۆاريا ۇكىمەتى مەن لاندتاگ باسشىلارىمەن جانە بيزنەس-قۇرىلىم وكىلدەرىمەن كەزدەسەدى.
بۇدان بولەك، مەملەكەت باسشىسى قازاقستان- باۆاريا تەحنولوگيالىق فورۋمىنىڭ اشىلۋ راسىمىنە قاتىسادى.
وسىعان دەيىن گەرمانيا فەدەراتيۆتىك رەسپۋبليكاسىنىڭ قورعانىس مينيسترلىگىندە بەرلينگە رەسمي ساپارمەن كەلگەن قازاقستان پرەزيدەنتى قاسىم-جومارت توقايەۆتى قارسى الۋ ءراسىمى ءوتتى.
قازاقستان مەن گ ف ر پرەزيدەنتتەرى شاعىن قۇرامدا كەلىسسوز جۇرگىزدى.
پرەزيدەنت قاسىم-جومارت توقايەۆ كانتسلەر فريدريح مەرتسپەن كەلىسسوز جۇرگىزدى.
قازاقستان مەن گەرمانيا 2 ميلليارد دوللارلىق 30 دان استام قۇجاتقا قول قويدى.
