رەنات ايتايەۆ پرەزيدەنت اكىمشىلىگىندە جاڭا قىزمەتكە تاعايىندالدى
استانا. KAZINFORM - مەملەكەت باسشىسىنىڭ وكىمىمەن رەنات ايتايەۆ ق ر پرەزيدەنتى اكىمشىلىگى مەملەكەتتىك باقىلاۋ ءبولىمىنىڭ مەڭگەرۋشىسى لاۋازىمىنا تاعايىندالدى، دەپ حابارلادى اقوردا.
- مەملەكەت باسشىسىنىڭ وكىمىمەن رەنات قۇرمەتجان ۇلى ايتايەۆ قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ ءبولىمىنىڭ مەڭگەرۋشىسى لاۋازىمىنا تاعايىندالدى، دەلىنگەن اقپاراتتا.
رەنات ايتايەۆ 1976 -جىلى 10-قىركۇيەكتە وسكەمەن قالاسىندا دۇنيەگە كەلگەن.
1998 -جىلى د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن ينجەنەر- ەكونوميست ماماندىعى بويىنشا، 2001 -جىلى قازاق مەملەكەتتىك زاڭ اكادەمياسىن زاڭگەر ماماندىعى بويىنشا ءتامامداعان.
ەڭبەك جولىن 1998 -جىلى «دەمال- شىعىس» ج ش س-دە ەكونوميكا جانە قارجى جونىندەگى ديرەكتور قىزمەتىنەن باستاعان.
1999-2000 -جىلدارى شىعىس قازاقستان وبلىسىنىڭ ستاتيستيكا ورگاندارىندا جۇمىس ىستەدى.
2000-2003 -جىلدارى مەملەكەتتىك كىرىستەر مينيسترلىگىندە ءتۇرلى قىزمەت اتقاردى. ال 2003-2008 -جىلدارى قارجى مينيسترلىگىنىڭ كەدەندىك باقىلاۋ كوميتەتىندە باسقارما باستىعى بولدى.
2008-2009 -جىلدارى ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق قامتاماسىز ەتۋ دەپارتامەنتىن باسقاردى.
2009-2010 -جىلدارى يندۋستريا جانە ساۋدا مينيسترلىگىندە سالاارالىق ۇيلەستىرۋ جانە يندۋستريالىق ساياسات دەپارتامەنتتەرىنىڭ ديرەكتورى قىزمەتتەرىن اتقاردى.
2010-2017 -جىلدارى پرەمەر-مينيستر كەڭسەسىنىڭ يندۋستريالىق-يننوۆاتسيالىق دامۋ بولىمىندە مەڭگەرۋشىنىڭ ورىنباسارى، كەيىن ءبولىم مەڭگەرۋشىسى بولدى.
2017-2019 -جىلدارى پرەمەر-مينيستر كەڭسەسى باسشىسىنىڭ ورىنباسارى ءارى ادەپ جونىندەگى ۋاكىل قىزمەتىن اتقاردى.
2019-2022 -جىلدارى پرەزيدەنت اكىمشىلىگى باسشىسى حاتشىلىعىنىڭ مەڭگەرۋشىسى بولدى.
2022 -جىلدىڭ اقپان ايىنان باستاپ پارلامەنت ءماجىلىسى اپپاراتىنىڭ باسشىسى قىزمەتىن اتقارعان.
«قۇرمەت» (2013) جانە «پاراسات» (2022) وردەندەرىمەن، سونداي-اق Ⅲ دارەجەلى «ەۋرازيالىق ەكونوميكالىق وداقتى قۇرۋعا قوسقان ۇلەسى ءۇشىن» مەدالىمەن ماراپاتتالعان.
سونداي-اق مەملەكەت باسشىسىنىڭ وكىمىمەن ءاليحان قايىرگەلدى ۇلى جامساتوۆ ق ر پرەزيدەنتى اكىمشىلىگى مەملەكەتتىك باقىلاۋ ءبولىمىنىڭ مەڭگەرۋشىسى لاۋازىمىنان بوساتىلدى.
ايتا كەتەيىك، بۇعان دەيىن مارات يرمەنوۆ ۇلتتىق قاۋىپسىزدىك كوميتەتىنىڭ ءتوراعاسى بولىپ تاعايىندالدى.