رۋاندا پرەزيدەنتى قازاقستاننىڭ جەتىستىكتەرىن جوعارى باعالادى

استانا. KAZINFORM - دۇنيەجۇزىلىك كليمات سامميتى اياسىندا ق ر پرەزيدەنتى قاسىم-جومارت توقايەۆ رۋاندا پرەزيدەنتى پول كاگامەمەن كەزدەسۋ وتكىزدى، دەپ حابارلايدى اقوردا.

تاراپتار ساياسي جانە ساۋدا-ەكونوميكا سالالارىنداعى ەكىجاقتى قارىم-قاتىناستىڭ دامۋ پەرسپەكتيۆاسىن، سونداي-اق حالىقارالىق ۇيىمدار شەڭبەرىندەگى ىنتىماقتاستىقتىڭ مۇمكىندىكتەرىن تالقىلادى. مەملەكەت باسشىسى رۋاندامەن بەرىك ءارى ءوزارا ءتيىمدى سەرىكتەستىكتى دامىتۋعا ەرەكشە ءمان بەرەتىنىن اتاپ ءوتتى.

ءوز كەزەگىندە پرەزيدەنت پول كاگامە ەلىمىزدىڭ ساياسي جانە الەۋمەتتىك- ەكونوميكالىق سالالارداعى جەتىستىكتەرىن جوعارى باعالاپ، قازاقستانمەن ىنتىماقتاستىقتى كەڭەيتۋگە مۇددەلى ەكەنىن جەتكىزدى.

كەزدەسۋ سوڭىندا قاسىم- جومارت توقايەۆ پول كاگامەنى قازاقستانعا ساپارمەن كەلۋگە شاقىردى.

ەسكە سالايىق، بۇگىن پرەزيدەنت قاسىم-جومارت توقايەۆ دۇنيەجۇزىلىك كليمات سامميتىنە قاتىسۋ ءۇشىن باكۋدەگى وليمپيادالىق ستاديونعا باردى. سوسىن مەملەكەت باسشىسى باكۋدەگى دۇنيەجۇزىلىك كليمات سامميتىندە ءسوز سويلەدى.

اۆتور

ساياگۇل جارىلقاسىن