رامازان ايىندا امىرلىكتە اعزا دونورى بولۋعا ءوتىنىش بىلدىرگەندەر كوبەيدى
استانا. KAZINFIRM - رامازان ايىندا اراب امىرلىكتەرىندە 33 مىڭعا جۋىق ادام اعزا دونورى بولۋعا ءوتىنىش ءبىلدىردى. بۇل جايىندا ەلدىڭ دەنساۋلىق ساقتاۋ مينيسترلىگى مالىمدەدى.
بۇعان تۇرعىندار اراسىندا دونورلىققا قاتىستى كەڭ اۋقىمدى ۇگىت-ناسيحات جۇمىستارىن جۇرگىزۋ ارقىلى قول جەتكىزگەن. مەكەمە ماماندارى ءدىني قايراتكەرلەرمەن كەڭەسە كەلە، ازاماتتارعا بۇل ءىستىڭ قاسيەتتى ايداعى قايىرىمدىلىقتىڭ ءبىر ءتۇرى ەكەنىن تۇسىندىرگەن. ناتيجەسىندە مىڭداعان ادام ترانسپلانتاتسياعا دايىن ەكەنىن ءبىلدىرىپ، وپەراتسياعا كەلىسىم بەرگەن.
اي باستالعالى ورگان اۋىستىرۋعا ارنالعان 1200 وپەراتسيا ءساتتى جاسالعان. جالپى امىرلىكتەردە اعزا دونورى بولۋعا زاڭ جۇزىندە ەش تىيىم سالىنبايدى. تەك الدىن الا كەلىسىم بولۋ مىندەتتى. دەرەككە قاراعاندا بىلتىردان بەرى ەلدە ارنايى باعدارلاما بويىنشا مارقۇم بولعان ازاماتتاردىڭ اعزا دونورى بولۋ جاعدايى %30- كە وسكەن.
24.kz
