قىزىلوردالىق بويجەتكەننىڭ بۇيرەگى ەكىنشى رەت اۋىستىرىلدى
استانا. قازاقپارات - 24 جاستاعى قىز بالاعا وسىدان 6 جىل بۇرىن وعان اعاسى ءبىر بۇيرەگىن بەرگەن. ءبىراق كوروناۆيرۋس شىرماۋىنا ىلىگىپ، جاعدايى قايتادان ناشارلاعان. ەندى اپكەسى دونور بولدى. «وپەراتسيا ءساتتى ءوتتى»، - دەيدى دارىگەرلەر.

بيىل قىزىلوردادا بۇيرەك ترانسپلانتاتسياسى ءتورتىنشى رەت جاسالدى. ولاردىڭ ءبارى گەمودياليز اپپاراتىنا تاۋەلدىلىكتەن ارىلدى. جالپى وڭىردە كەيىنگى 10 جىلدا بۇيرەك اۋىستىرۋ وپەراتسياسى جاسالماعان. قازىر وبلىستا 600 ادامعا سوزىلمالى بۇيرەك جەتىسپەۋشىلىگى دياگنوزى قويىلعان. ونىڭ 370- ءى جاساندى بۇيرەك اپپاراتىن پايدالانادى.
جاسۇلان بايماحانوۆ، وبلىستىق كوپبەيىندى اۋرۋحانانىڭ باس دارىگەرى:
- قىزىلوردانىڭ وزىندە بۇگىنگە 85 ادام - تراناسپلانتاتسيادان وتكەن ادامدار. ءبىراق ونىڭ بارلىعى - بۇگىنگە دەيىن سىرتتا جاسالعان وتالار. الماتىدا، استانادا. ەندى، قۇداي قالاسا، ءبارىن وسى وبلىستا جاساۋعا تىرىسامىز.
24.kz