قىزىلوردادا پوليتسيا كيىمىمەن زاڭسىز بەينەروليك تۇسىرگەن ادام جازاعا تارتىلدى

قىزىلوردا. KAZINFORM - قىزىلوردا قالاسىندا پوليتسيا قىزمەتكەرلەرىنە ارنالعان كيىمدى زاڭسىز كيىپ بەينەروليك تۇسىرگەن ادام جازاعا تارتىلدى.

وقيعا بيىلعى جىلدىڭ 25-ماۋسىمىندا ساعات 17:00 شاماسىندا بولعان. جەرگىلىكتى ازامات سىرداريا وزەنى جاعاسىندا گۇلدەردى جارنامالاۋ بارىسىندا پوليتسيا قىزمەتكەرلەرىنە ارنالعان كيىمدى زاڭسىز كيىپ بەينەروليك تۇسىرگەن.

«ونىڭ قۇقىق بۇزۋشىلىق ارەكەتى، اكىمشىلىك قۇقىق بۇزۋشىلىق تۋرالى حاتتاماسى، تۇسىنىگى، زاتتاردى الىپ قويۋ تۋرالى حاتتاماسىمەن، جيناقتالعان قۇجاتتارمەن تولىق دالەلدەنىپ بەكىتىلدى. ونىڭ تاراپىنان اكىمشىلىك قۇقىق بۇزۋشىلىق تۋرالى كودەكسىنىڭ 675-بابىنىڭ 1-بولىگىندەگى قۇقىق بۇزۋشىلىلىققا جول بەرىلگەن. سەبەبى ول ايىرىم بەلگىلەرى، نىشانى بار اسكەري كيىم نىسانىن، سونداي- اق نىساندى كيىم مەن ارناۋلى كيىم-كەشەكتى زاڭسىز كيىپ جۇرگەن. اتالعان باپتىڭ سانكسياسى نەگىزىندە ودان ارناۋلى نىشان كيىمى تاركىلەندى. وعان 12922 تەڭگە ايىپپۇل سالىندى»، - دەپ ءمالىم ەتتى قىزىلوردا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنان.

اۆتور

ءادىلجان ۇمبەت