قىزىل تەڭىزدە سوعىس باستالدى

بۇگىن حۋسيتتەر باب-ەل-ماندەب بۇعازىندا تانكەرگە شابۋىل جاساپ، ارتىنشا ادەن شىعاناعىنداعى كونتەينەر تاسىمالداۋشى كەمەنى باسىپ الدى.

العاشقى شابۋىل تاڭەرتەڭ جاسالدى. امەريكالىق ەسمينەتس ءۇندىستاننىڭ مانگالورىنان سۋەتس كانالىنا قاراي ءجۇزىپ بارا جاتقان مارشالل ارالدارىنىڭ جاعالاۋىنداعى Ardmore Encounter تانكەرىنەن اپات تۋرالى سيگنال الدى. ول موتورلى قايىقتار شابۋىلداعانىن حابارلادى.

امەريكالىق ەسمينەتس كومەككە كەلىپ، يەمەن اۋماعىنان ۇشىرىلعان دروندى اتىپ ءتۇسىردى.
حۋسيتتەر تانكەرلەرگە زىمىرانمەن وق جاۋدىرا وتىرىپ، كەرى شەگىندى. جاۋعان وق ءدال تيمەي، ەسمينەتس پەن تانكەر ەكيپاجى زارداپ شەككەن جوق.

ال كەشكە قاراي حۋسيتتەر وپەراتسياسى ءساتتى بولدى، ءبىراق بۇل جولعى شابۋىل سولتۇستىككە قاراي - ادەن شىعاناعىنا جاسالدى.

بۇل جولى تەڭىز قاراقشىلارى وماننان ساۋد ارابياسىنا گونكونگ تۋىمەن ءجۇزىپ بارا جاتقان Maersk Gibraltar كونتەينەر كەمەسىنىڭ باعىتىن وزگەرتۋگە ماجبۇرلەدى. قازىر كەمە يەمەن اۋماعىنا، ادەن پورتىنا بەت الدى.
اۆتور
بالنۇر قوجاگەلدى