قىزىل تەڭىزدە قاقتىعىس كۇشەيدى

استانا. قازاقپارات- ا ق ش پەن ۇلى بريتانيا اسكەرىنىڭ يەمەننىڭ حالىق قونىستانعان بولىگىنە شابۋىلى ۇدەي ءتۇستى. ال حۋسيتتەر قارسىلىق تانىتىپ، قىزىل تەڭىزدە امەريكا-بريتاندىق كەمەلەرگە قارسى سوققىسىن دوعارار ەمەس. 

 ولار: «امەريكا كۇشتەرىنىڭ اتقىلاۋى پالەستينالىقتاردى قولداۋعا كەدەرگى ەمەس»، - دەيدى. كوتەرىلىسشىلەر: «قاقتىعىستان باس تارتپايمىز»، - دەپ وتىر. تەڭىزدەگى تەكەتىرەس الەمدىك ساۋداعا كەدەرگى كەلتىرىپ، وڭىردەگى شيەلەنىستى ۋشىقتىرىپ جىبەردى.

حاناين مانسۇر، جەرگىلىكتى تۇرعىن:

- ءبىز گازا سەكتورى مەن پالەستينا ءۇشىن كۇرەسىپ جاتىرمىز. يزرايل مەن امەريكا اسكەرىنىڭ كۇشى ءبىزدى مۇلدەم توقتاتا المايدى. 9 جىل جالعاسىپ كەلە جاتقان قاقتىعىسقا ونسىز دا ەتىمىز ۇيرەنگەن، ءبىز ءۇشىن بۇل كەدەرگى ەمەس. گازا سەكتورىن يزرايلدىكتەردەن بوساتۋ ءۇشىن ءبىز پالەستيناعا جاياۋ اتتانامىز.

www.24.kz