قىتايدىڭ شىحىزى ۋنيۆەرسيتەتىندە قازاق ءتىلى مەن مادەنيەتى ورتالىعى اشىلدى

استانا. قازاقپارات - قىتاي حالىق رەسپۋبليكاسىنىڭ شىحىزى ۋنيۆەرسيتەتىندە ءابىلقاس ساعىنوۆ اتىنداعى قاراعاندى تەحنيكالىق ۋنيۆەرسيتەتىمەن بىرلەسىپ قۇرىلعان قازاق ءتىلى مەن مادەنيەتى ورتالىعى اشىلدى. ەندى مۇندا ستۋدەنتتەر قازاق مادەنيەتىمەن تانىسىپ، ءتىلىمىزدى ۇيرەنىپ، ءبىلىم بەرۋ جانە گۋمانيتارلىق جوبالارعا قاتىسا الادى.

Центр изучения казахского языка и культуры начал работу в Китае
Фото: акимат Карагандинской области

ورتالىقتىڭ اشىلۋى ەكى ۋنيۆەرسيتەت اراسىنداعى كوپجىلدىق ىنتىماقتاستىقتىڭ جالعاسى بولدى. اكادەميالىق ارىپتەستىك ون جىلدان استام ۋاقىتتان بەرى دامىپ كەلەدى. وسى كەزەڭدە ءبىلىم بەرۋ، عىلىمي زەرتتەۋلەر جۇرگىزۋ، ستۋدەنتتەر مەن وقىتۋشىلار الماسۋ باعىتتارىندا بىرلەسكەن جۇمىستار جۇزەگە اسىرىلدى.

Центр изучения казахского языка и культуры начал работу в Китае
Фото: акимат Карагандинской области

ورتالىقتىڭ اشىلۋ سالتاناتىندا ەكى ۋنيۆەرسيتەت وكىلدەرى قازاقستان مەن قىتاي اراسىنداعى اكادەميالىق جانە مادەني بايلانىستاردى نىعايتۋدىڭ ماڭىزدىلىعىنا توقتالدى.

جاڭا ورتالىقتا قازاق ءتىلى بويىنشا ساباقتار وتكىزىلىپ، قىتاي ستۋدەنتتەرىنە قازاقستاننىڭ تاريحى، ادەبيەتى مەن ۇلتتىق سالت-داستۇرلەرى تانىستىرىلادى. سونىمەن قاتار مادەني-اعارتۋشىلىق ءىس-شارالار، ستۋدەنتتەر مەن وقىتۋشىلاردىڭ كەزدەسۋلەرى ۇيىمداستىرىلىپ، تاجىريبە الماسۋ جانە بىرلەسكەن گۋمانيتارلىق جوبالاردى ازىرلەۋ جوسپارلانىپ وتىر.

Центр изучения казахского языка и культуры начал работу в Китае
Фото: акимат Карагандинской области

بۇل - ەكى جوعارى وقۋ ورنىنىڭ العاشقى بىرلەسكەن جوباسى ەمەس. 2012 -جىلدان بەرى قاراعاندى تەحنيكالىق ۋنيۆەرسيتەتىندە كونفۋسي ينستيتۋتى جۇمىس ىستەيدى. ونىڭ ارقاسىندا ستۋدەنتتەر قىتاي ءتىلىن مەڭگەرىپ، قىتاي مادەنيەتىمەن تانىسۋعا مۇمكىندىك الدى. ەندى قىتاي تاراپى دا قازاق ءتىلى مەن ەلىمىزدىڭ مادەني مۇراسىن تەرەڭىرەك تانۋعا جول اشتى.

Центр изучения казахского языка и культуры начал работу в Китае
Фото: акимат Карагандинской области

ىنتىماقتاستىقتىڭ تاعى ءبىر باعىتى - «ماشينا جاساۋ» ماماندىعى بويىنشا ءۇش جىلدىق قوس ديپلومدى ماگيستراتۋرا باعدارلاماسى. باعدارلاما اياسىندا ستۋدەنتتەر قازاقستان مەن قىتايدا ءبىلىم الىپ، بىرلەسكەن عىلىمي زەرتتەۋلەرگە قاتىسادى. بيىل وسى باعدارلامانىڭ العاشقى تۇلەگى ۋ سياويۋي ماگيسترلىك ديسسەرتاتسياسىن ءساتتى قورعادى.