قىتايمەن ۆيزاسىز رەجيم: الماتىعا كەلگەن تۋريستەردىڭ سانى 2 ەسە وسكەن
الماتى. قازاقپارات - 2023 -جىلدىڭ 10-قاراشاسىنان باستاپ قازاقستان مەن قىتاي اراسىنداعى ۆيزاسىز رەجيم تۋرالى كەلىسىم كۇشىنە ەنگەن بولاتىن. بۇل وزگەرىس الماتىنىڭ تۋريستىك سەكتورىنا قانشالىقتى اسەر ەتكەنىن الماتى تۋريزم بيۋروسىنىڭ ماركەتينگ جانە تالداۋ ءبولىمىنىڭ باسشىسى رۋسلان جانابايەۆ ايتىپ بەردى.
ونىڭ ايتۋىنشا، وتكەن جىلى الماتىعا كەلگەن شەتەلدىك تۋريستەردىڭ %12- ى ق ح ر ازاماتتارى. بۇل مەگاپوليسكە وزگە مەملەكەتتەن كەلگەن تۋريستەردىڭ ىشىندە ەكىنشى كورسەتكىش. 2022 -جىلمەن سالىستىرعاندا اسپان استى ەلىنەن كەلگەن تۋريستەردىڭ سانى 2 ەسە وسكەن.
- بۇل (رەد. ۆيزاسىز رەجيم) - نەگىزگى فاكتورلاردىڭ ءبىرى. قىتاي مەن ءۇندىستان مەملەكەتتەرى ءۇشىن 14 كۇندىك ۆيزاسىز رەجيمنىڭ ەنگىزىلۋى وڭ اسەرىن بەردى. ويتكەنى قىتاي ازاماتتارى ءۇشىن مەملەكەتىمىز جاقىن، قاتتى الىسقا ۇشۋدىڭ قاجەتى جوق جانە ۆيزاسىز رەجيم ءبىز ولار ءۇشىن اشىق ەكەنىمىزدى كورسەتەدى. سونداي-اق بيىل قىتايدا قازاقستانداعى تۋريزم جىلى جاريالاندى جانە ش ى ۇ اياسىندا الماتى باستى تۋريستىك قالا رەتىندە اتالدى. قازىرگى ۋاقىتتا بىزگە ق ح ر- دىڭ بارلىق وڭىرلەرىنەن ادامدار كەلىپ، كورمە، ءىس-شارالار ۇيىمداستىرىپ جاتىر، - دەدى رۋسلان جانابايەۆ.
سونداي-اق ول پاندەمياعا دەيىنگى كەزەڭدە ەلىمىزگە كەلگەن ادامدار نەگىزىنەن ت م د ەلدەرىنەن بولسا، قازىر الىس شەتەلدەن كەلەتىن تۋريستەردىڭ ۇلەسى %57- عا جەتكەنىن اتاپ ءوتتى.
الماتى تۋريزم بيۋروسىنىڭ مالىمەتىنە سايكەس، 2023 -جىلى قالاعا كەلگەن تۋريستەردىڭ ىشىندە رەسەي ازاماتتارى ءبىرىنشىورىندا - %32,6، ەكىنشى قىتايلىق ساياحاتتاۋشىلار - %12,2، ءۇشىنشى ءۇندىستان - %8,6، ءتورتىنشى تۇركيا - %6 جانە بەسىنشى ا ق ش ازاماتتارى - %3,8.
- ءبىزدى امەريكالىق تۋريستەردىڭ قالامىزعا كەلەتىن ساياحاتشىلار تىزىمىندە العاشقى بەستىككە كىرگەنى قاتتى تاڭقالدىردى. سەبەبى الماتى مەن ا ق ش- تىڭ اراسى الىس. 20 ساعاتتاي جولدى ۇشىپ كەلۋ - ولاردىڭ قالامىزدى سانالى تۇردە تاڭداعانىن كورسەتەدى. جالپى قازىر الىس شەتەلدەن تۋريستەردى تارتۋ جۇمىسى قارقىندى ءجۇرىپ جاتىر. سەبەبى ولار كوبىرەك اقشا جۇمسايدى. ال جۇمسالعان ءار دوللار قالامىزعا تابىس اكەلەدى. سونداي-اق جاقىندا كۋالا-لۋمپۋر - الماتى رەيسىنىڭ اشىلۋى - ءبىز ءۇشىن بۇكىل ازيانى اشتى. ولار ءبىزدى ترانزيتتىك حاب رەتىندە كورىپ وتىر. ازيادا ادام كوپ جانە ولار ەۋروپاعا، اراب ەلدەرىنە باراتىن كەزدە ەندى الماتى ارقىلى ۇشاتىن بولادى، - دەدى الماتى تۋريزم بيۋروسىنىڭ ءبولىم باسشىسى.
رۋسلان جانابايەۆ مەگاپوليسكە كەلەتىن تۋريستەردىڭ نەگىزگى بولىگى - جالعىز نە جۇپ بولىپ كەلگەن ادامدار ەكەنىن ايتتى. الماتى تۋريزم بيۋروسى جۇرگىزگەن ساۋالناما، تۋريستەردىڭ %38- ى جالعىز، %29- ى دوستارىمەن كەلەتىنىن كورسەتكەن. سونىمەن قاتار ساۋالناما ناتيجەسىندە الماتىعا كەلگەن تۋريستەر ورتاشا ەسەپپەن ءبىر كۇندە 334 دوللار جۇمسايتىنى جانە شاھاردا 5 كۇن تۇراقتايتىنى انىقتالعان.
ەسكە سالايىق، بۇعان دەيىن الماتىدا ءبىرىڭعاي تۋريستىك بيلەت ىسكە قوسىلعانى تۋرالى حابارلادىق. الماتى اكىمدىگىنىڭ مالىمەتىنشە، ءبىرىڭعاي بيلەتى الۋ ارقىلى تۋريستەر قارجىسىن %63- عا دەيىن ۇنەمدەيدى. مىسالى، ءبىرىڭعاي بيلەتتىڭ قۇنى 9990 تەڭگەدەن باستالادى، وعان 27300 تەڭگە سوماسىنداعى نىساندارعا بارۋ كىرەدى.
«Almaty Pass جۇيەسىنە كەلەسى تۋريستىك نىساندارعا بارۋ كىرەدى: «كوكتوبە» اسپالى جولى، «كوكتوبە» ساياباعىنداعى اينالما جول جانە جىلدام ءتۇسۋ (Fast Coaster) MEGA Alma-Ata س و و اۋماعىنداعى Happy Eye شولۋ دوڭگەلەگى، الماتى حايۋاناتتار باعى، ءا. قاستەيەۆ اتىنداعى ونەر مۋزەيى، «مەدەۋ- شىمبۇلاق» باعىتىنداعى Shymbulak اسپالى جولى، بوتانيكالىق باق، سونداي-اق قالانىڭ قىزىقتى باعىتتارى بويىنشا Nur Bus اۆتوبۋسىمەن شولۋ تۋرى»، - دەپ اتاپ ءوتتى اكىمدىكتەن.
ءبىرىڭعاي بيلەتتى almaty.citypass.kz رەسمي ۆەب- سايتتان ساتىپ الۋعا بولادى. قۇنى 9990 تەڭگەدەن باستالادى. ءارى قاراي سايتتا نەمەسە موبيلدى قوسىمشادا QR كودى بار ۆاۋچەر پايدا بولادى، ونى كىرەردە كاسساعا كورسەتۋ كەرەك. QR كود قىزمەت پاكەتىنە بايلانىستى نىسانعا ءبىرىنشى كەلگەن ساتتەن باستاپ 24 نەمەسە 72 ساعات جارامدى.
اۆتور
دوسبول اتاجان
