قىتايدىڭ سولتۇستىك-باتىسىندا اسا ءىرى ۋران كەن ورنى انىقتالدى

استانا. KAZINFORM - قىتايدىڭ سولتۇستىك-باتىسىندا اۋقىمدى ۋران كەن ورنى اشىلدى، بۇل ەلدىڭ ۋران قورىن ەداۋىر ارتتىردى، دەپ حابارلايدى شينحۋا اقپارات اگەنتتىگى.

- وردوس قازانشۇڭقىرىنىڭ جينچۋان ايماعىندا ۋران بارلاۋدا ماڭىزدى جەتىستىكتەرگە قول جەتكىزىلدى، - دەپ جازدى جۇما كۇنى ق ح ر تابيعي رەسۋرستار مينيسترلىگىنە قاراستى گەولوگيالىق بارلاۋ باسقارماسىنان.

بۇل قۇمداقتار ايماعىندا اشىلعان الەمدەگى ءبىرىنشى اسا ءىرى ۋران كەن ورنى. رەلەفتىڭ بۇل ءپىشىنى 200 مىڭ شارشى ك م وردوس باسسەينىنەن باسقا، قىتايداعى تاريم ويپاتى، جوڭعار ويپاتى جانە سونگلياو باسسەينى سياقتى مۇناي-گاز باسسەيندەرىندە ءجيى كەزدەسەدى.

ساراپشىلاردىڭ پىكىرىنشە، جينچۋان ايماعىندا ۋران كەن ورنىنىڭ اشىلۋى قىتايداعى ۋران بارلاۋىنا جاڭا مۇمكىندىكتەر اشىپ، ەل ءۇشىن ۋران رەسۋرستارىنىڭ قاۋىپسىزدىگىن قامتاماسىز ەتۋگە سەپتىگىن تيگىزەدى.

زارينا تۋعانبايەۆا

اۆتور