«قىتايدى جاقسى بىلەتىن پرەزيدەنت» - قىتاي اقپارات قۇرالدارى توقايەۆ تۋرالى
قازاقستان پرەزيدەنتى قىتايعا ەكى كۇندىك رەسمي ساپارمەن باردى جانە قىتايدا وتەتىن 3- ءشى «ءبىر بەلدەۋ، ءبىر جول» فورۋمىنا قاتىسۋدى جوسپارلاپ وتىر، دەپ حابارلايدى Kazinform.

قىتايدىڭ مەملەكەتتىك اقپارات قۇرالدارىنىڭ ءبىرى سانالاتىن ChinaNews ءتىلشىسى قازاقستان پرەزيدەنتىنىڭ ساپارى تۋرالى تىكەلەي ەفيردەگى رەپورتاجى بارىسىندا قاسىم- جومارت توقايەۆتى «قىتاي حالقىنىڭ جاقسى دوسى» جانە «قىتايدى جاقسى بىلەتىن شەتەلدىك پرەزيدەنت» دەپ اتادى.
قىتايلىق ب ا ق قاسىم- جومارت توقايەۆتىڭ قىتايدا وقىعانى، تۇرعانى تۋرالى ايتا كەلە، قىتايدىڭ كوپتەگەن ءدامدى تاعامى قازاقستان پرەزيدەنتىنە زور اسەر قالدىرعانىن دا ەسكە الدى.
«بۇل - پرەزيدەنت توقايەۆتىڭ قىتايعا بيىلعى ەكىنشى رەت كەلۋى، - دەپ اتاپ ءوتتى ChinaNews ءتىلشىسى. - قازاقستان پرەزيدەنتىنىڭ قىتايعا التىن كۇزدەگى وسى ساپارىنان ەكى جاقتى قارىم- قاتىناستىڭ دامۋى جاڭا كەزەڭگە اياق باسۋىن جانە «ءبىر بەلدەۋ، ءبىر جول» باستاماسىن قۇرۋداعى بىرلەسكەن كۇش- جىگەرىنە جاڭا سەرپىن بەرۋىن كۇتەمىز».
اۆتور
مۇحتار مۇرات