قىتايداعى سپورتشىلارىمىز قايدا تۇرىپ جاتىر؟

قىتايدىڭ حاڭجوۋ قالاسى سپورتشىلارعا جاسالعان جاعداي بويىنشا دا وزىندىك رەكورد ورناتىپ جاتىر. ماسەلەن، ءبىزدىڭ سپورتشىلار جايعاسقان اتلەتتەر قالاشىعى 20 مىڭ ادامعا ەسەپتەلگەن، دەپ حابارلايدى قازاقپارات.

Hangzhou, China
Photo: news.cn

ءار بولمەدە قورشاعان ورتانى قورعاۋ مەن زاماناۋي تەحنولوگيانى قولدانۋعا باسىمدىق بەرىلگەن. ارىپتەسىم اسلان قاجەنوۆ اتالعان اۋماققا ارنايى كىرىپ، ەكسكليۋزيۆتى سيۋجەت جاساپ شىقتى. حاڭجوۋ تورىندەگى اتلەتتەر قالاشىعى. بيىلعى بايراقتى باسەكەگە 12 مىڭنان اسا سپورتشى جينالدى. بۇل - بۇرىن- سوڭدى بولماعان ەڭ جوعارى كورسەتكىش. ال جارىستى ۇيىمداستىرۋشىلار ودان دا اسىپ ءتۇسىپ، ارنايى اۋماققا ازيا ويىندارىنا قىزمەت ەتەتىن مامانداردى دا جايعاستىردى. جالپى سىيىمدىلىق 20 مىڭ ادامعا جەتتى.

ال بۇل - سپورتشىلار ورنالاسقان جەر. قازاقستاندىق قىز- جىگىتتەرگە 3 بلوك بەرىلگەن. سونىڭ ءبىرى - مىنە، ەل ابىرويىن اسقاقتاتقان ءابيبا ابۋجاقىنوۆا جاتاتىن بولمە. قازىر كىرەيىن، كورەيىك.

ءابيبا ءابۋجاقىنوۆا، ازيا ويىندارىنىڭ كۇمىس جۇلدەگەرى:

- قازىر بۇل جەردە 3 قىز تۇرىپ جاتىرمىز. ەكىنشى بولمەدە 5 قىز تۇرادى. بۇل - سيەۆارانىڭ بولمەسى. ال مۇندا كوماندا باسشىسى گۇلبارا اپاي ورنالاسقان. مەن مىنا جاقتا جاتام. ءبارى جاقسى، ىڭعايلى، كەڭ. وسى جەردە كوپ ۋاقىت وتكىزبەيمىز. تاڭنان كەشكە دەيىن نە جاتتىعۋدا، نە جارىستا جۇرەمىز.

قازاقستاننان كەلگەن سپورتشىلاردى كۇتىپ الىپ، بولمەلەرىنە ورنالاستىراتىن ارنايى شتاب بار. قازاقستاندىق ماماندار كۇنى- ءتۇنى اياقتارىنان تىك تۇرىپ، قىزمەت ەتەدى. ويتكەنى ەل نامىسىن قورعايتىن قىز-جىگىتتەر ەشقانداي كەدەرگىگە تاپ بولماۋى كەرەك. الدا ماڭىزدى جارىستار بار.

ايگۇل بەكتەنوۆا، ق ر س م كوميتەتى ءتوراعاسىنىڭ ورىنباسارى:

- مىسالى، بىزدە بويى بيىك سپورتشىلار بار. ۆولەيبولشىلار، باسكەتبولشىلار. سولارعا توسەككە قوسىمشا جالعايتىن نارسەلەر بەرگەن. ودان كەيىن سپورتشىلارعا ارنايى سىيلىقتار قاراستىرعان. ءوزىڭىز بايقاعان شىعارسىز. جاپ- جاسىل ءشوپ. تازالىق. سونىڭ بارلىعىن ءبىر جىل بويى كۇتكەن. ءتىپتى تۇندە دالاداعى اسفالتتى سابىنداپ جۋىپ جاتادى. ناسكيمەن جۇرسەڭ، ناسكيىڭ كىر بولمايتىن سياقتى. اتلەتتەر قالاشىعىنداعى جارىق پەن جىلۋ كۇن ەنەرگياسىنان الىنادى. سپورتشىلار تۇراتىن ۇيلەردىڭ جانىندا جاتتىعۋ زالدارى، تاماقتاناتىن ورىندارى، دەمالىس اۋماقتارى، ساۋدا دۇكەندەرى، باسقا دا كەرەك- جاراقتىڭ ءبارى قاراستىرىلعان.

اۆتورى: اسلان قاجەنوۆ.

www.24.kz

سوڭعى جاڭالىقتار