قىتايدا تۇرعىن ءۇي قىمباتتادى

استانا. قازاقپارات - قىتايدا تۇرعىن ءۇي باعاسى تاعى قىمباتتادى، دەپ حابارلايدى 24KZ.

قىتاي ۇلتتىق ساناق بيۋروسىنىڭ مالىمەتىنە ساي باعا ءبىرىنشى دەڭگەيلى شاھارلاردا كۇرت وسكەن. اسىرەسە شاڭحاي مەن شىنجىن سياقتى ءىرى قالالاردا شارىقتاپ بارادى. مۇندا پاتەر قۇنى شارشى مەترىنە ورتا ەسەپپەن 3 ميلليون تەڭگەدەن اسادى.

قىمباتشىلىق باسپانالاردى ودان دا بەتەر قول جەتىمسىز قىلىپ جىبەردى. سالا ماماندارى ءۇي قۇنى ءالى دە كوتەرىلەدى دەپ بولجاپ وتىر. نارىقتىڭ قۇبىلۋى جەرگىلىكتى حالىقتى جاپا-تارماعاي پاتەر ساتىپ الۋعا يتەرمەلەدى. ماسەلەن، شاڭحايدا تۇرعىن ۇيگە سۇرانىس كەيىنگى ءبىر ايدا %125- كە ارتسا، گۋاڭجۋدا %47- كە دەيىن كوتەرىلگەن.

لي پەنيۋي، جىلجىمايتىن مۇلىك جونىندەگى مەنەدجەر:

- قازىر باسپانا باعاسى قۇبىلىپ تۇر. ەلدىڭ وڭتۇستىگىندە ءۇيدىڭ قۇنى كوتەرىلسە، سولتۇستىكتە %0,1- كە تومەندەگەن. نارىقتا ساتىپ الۋشىلاردىڭ كوبەيگەندىگى بايقالىپ وتىر. قاڭتار ايىندا ەلدىڭ 30 ءىرى قالاسىندا 9,27 ميلليون شارشى مەتر تۇرعىن ءۇي ساتىلدى. بۇل وتكەن جىلدىڭ وسى كەزەڭىمەن سالىستىرعاندا %14- كە كوپ. كوكتەم مەرەكەسىنەن كەيىن سۇرانىس بۇدان دا بەتەر ارتادى.